Mindat-ah ralhrang uico pawl umnak hmun CDF in kap

Chin state, Mindat khua sungih uico ralhrang pawl hmun khuarnak hmun cu   June ni 14 zing lamah Mindat-CDF pawl cun an kah thu theih a si.

Mindat CDF pawl cu khaw sungih National League for Democracy (NLD) office leh khaw luhnak gate-ih um ralkak pawl cu an kap ih, anmah tanpi dingih ralkap ra mi pawl khal khaw sung Immigration office kiangah an rak kap ih khaw sung hmun thumah kahawknak a suak thu Mindat-CDF hruaitu pakhatin a sim.

Ani cun, “Tusun cu khaw sung hmun thumah inkahna a suak ih. uico ralhrang pawl um nak khaw luhnak  gate leh an kulhawknak pakhat NLDF office-ih um pawl cu kan kap ih. Cutiih kan kah laiah, khaw sung luhnak gate lamih ralkap um mi pawl tanpi dingih ralkap dang pawl cu immigration office kiangih sin kan rak bawh ih kan rak kap thei cih a si, tiin a sim.

Ralhrang uico lam cu a tuartu sawn an si ruangah Mindat IB 274 leh Chauhthuh laipii regime pawl lamin laipi vawi 9 vel an kap suak ih, 2 chu Buangte khaw kiang, lo hmunah a tla puak ih, thil a khawih a ti siat leh siat lo cu CDF Mindat lamin an ngaihven rero thu thusuah an tuah a si.

 

 

Author: admin

Leave a Reply

Your email address will not be published.