Tahan veng sak Bualrawn field kiangkap lamah, June ni 15 zing lam nazi 9:44 hrawngah bomb nasa takin a phuah thu thu theih a si. Cutih rualin meithal puak awn khal cawl lo in theih ding a um ring ring ih. Thupten a zohtu pawl cun veng sungah bike hmangin an tlan kual thu thu tualsung mi pakhatin a tarlang.
Tahan veng sak lamih pukpi leh bomb puak theih a si hnuah Tahan G Group school no. 8 kiang, E Group veng leh Sanmyo school kiang khalah puak cih a si. sinan, thi leh hliam an um thu theih a si hrih lo thuhla fiang kim cang ngaigcan a si lai.
PDF-pawl cun Tahan C group, veng sak school no. 8 kiangkap ih um pawl cu hmunhimnak lamah thawn aw dingin an ti thu theih a si.
Cutih rualin military council ralkap lam khal ralkap thuam thuam famkim thawn Tahan veng sak lamah an pungkhawm ih. Nazi 10:54 hrawngah bomb leh meithal a puak nasa ih . Ralkap lamin pukpi an kap suak deuh ringring a si, tiin vengsung mi pawl cun an sim.
Tahan Vengsak lamih feh pawl cu ralkap leh police lamin an check uluk nasa ih, hmun hrang hrangah an duty a si tiin thu dawn a si.
