SAC Ralhrang ruangah Kanpetlet peng ih mipi pawl himnak hmunlam ah mi 2000 lai tlanin an um.

SAC ralhrang in hmunhma a nawr ruangah chin ramkulh, Kanpetlet peng ih mipi pawl himnak hmunlam ah tlanin an um.

June ni 13, 2022 ah Chin ramkulh, Kanpetlet peng, No.5 thuneihnak peng sungah hmunhma nawrtu SAC ralhrang cun ruahlopin dung an kirsal ruangah cuih an palnak lamzin tluanih khuanu khuapa pawl le beunak latu raltlan mipi cu Kanpetlet Khua Mipi Uknak Committee in himnak hmunlam ah an thawn sak tiah thuthang kan ngah.

Inn le lo tansantu raltlan mipi 2,000 hrawng aum ih tlangpar le tiva kiang, ramsung ah ei-in tlasam in atang hrihmi raltan mipi hrangah fang, puanhlum le thil dangdang tla tulsamnak asang zet ruangah Kanpetlet peng sungih raltlan mipi hrangah duhdawtnak langterin sumpai bawmnak peduhtu cun Kanpetlet Khua Mipi Uknak Committee ih Facebook Page: https://www.facebook.com/108849328076863/posts/336021848692942/?d=n ihsin pehtlaih thei ringring asi.

Aiawh In A Unauza Kaih Tuar Ruangah Kum (29) Lawyer Minu Pakhat Mah Le Mah Thahaw.

 

June ni 8, 2022 ah Lawyer Ma Phyu Phyu Khaing cu SAC ralhrang in PDF pawl bawmnak peknak le duhphorhnak tuahtu Lawyer pawlkom ih member pakhat asi tiah mawhthluknak tuah in Mandalay ramthen, PatheinGyi peng, OngChaw khua ih an inn ah kaiding ah an ra nan Ma Phyu Phyu Khaing cu an hmu lo ruangah amah aiawh in a naupa le a naunu pahnih cu ralhrang in vuak le hrem phah in an hruaipi tiah thuthang kan ngah.

Kaihtuar a unauza pawl thawn tuni tiang pehzomnak angah hrih loih hleiah amah ruangah a unauza pawl kaih an tuar asi tiah lungsia beidong in aum ih mizaan ah thihsi (pesticide) ei in nunnak a liam tiah theih asi.

 

Author: admin

Leave a Reply

Your email address will not be published.