Online Ah Hakha CDF Kong Lam A Lang Lo Tuk Ti Lio Ah Tuanbia Dawh Tuk An Rak Tial Diam Ai

CDF-Hakha cu 21 Vaute 2021 in Hakha pengchung pengtlang dihlak aiawh meeting tuahnak in a hramthawk a si.26 Vaute 2021 ah Ralkap thithruainak muisam thawk a si.14-15 Vaupi 2021 ah Camp Victoria ah CNF/A upa hna he Chinland Defense Force – Hakha tiah a min pek a si.

Vaupi thla 2021 ah hriamnam zalh thawk a si.29 Vaupi 2021 ah a hmasabik kahdohnak caah strategy ṭial a si.2 Biangreithlep 2022 ah a hmasabik kahdohnak cu Cawbuk Gate in an thawk, nihin ni tiang langhterawk a ṭhami ah voi 76 leng kahdohnak an tuah cang. Bomb puah le hnahnawhnak pek pawl cu relh a si lo. Cu hna pawl relh cun voi 100 renglo ral an tu cang. Cu chungah cun ralhrang 372 hrawng an thi i 106 naktam nih hliam an tuar. Ralhrang hriamniam 1 an chuhmi le CDM in an luhpimi zun 7 a si. Ralkap CDM a rak lutmi minung 30 hrawng an si. CDF-Hakha ralkap minung 12 nih an nunnak an pek cang i minung 25-30 kar nih hliamhma an tuar.

Kumkhat chungah sing 20,000 leng tangka an hman. Ram 8 ah CDF-Hakha dirkamhtu phu an dirh i cu hna nihcun tangka in an bawmh hna. Vaurawng Zunthil le pumpak zong in bawmhnak tampi an pek.
28 Biangreithlep 2022 ni ah kumkhat tlinnak cu Pathian thawng in tlamtling tein an tuah khawh.

 

 

Crd:The Lairam Times

Author: admin

Leave a Reply

Your email address will not be published.