Nan Fa Le Ruak Hmuh Nan Duh Ko Ah Cun Siang Inn Kai Ter Hna U Tiah Falam Siangsangrun Kalnak Lamkam Ah Tlerhkhonhnak Cataar An Benh

Chin ramkulh Falam siangsangrun no.2 pawng ah June 13 zaan ahkhan puahkeh thawng voikhat theih a si hnu ah, SAC ralkap nih meithal an puah tiah theih a si.

Nihin June 14, zinglei ah Siangsangrun No.2 kalnak lamkam ah siangngakchia hna tlerhkhonhnak cataar an hmuh a si caah ngakchia pawl cu sianginn kai ngam lo in an kir hna, tiah theih a si. Lamkam ah benhmi cataar ah cun Sianginn kai hlah, Falam min na chiatter, nan fale ruak hmuh nan duh ko ah cun kaiter ko hna uh” tiah aa áš­ial.

Cu cataar benhmi kong he pehtlai in CNO hruaitu pakhat nih cun, “Kanmah lei nih cu bantuk cataar cu kan benh lo,
SAC ralkap lei zong an si kho i, civil mi zong an si kho,” tiah a chim. June 14 thawk in Falam khuachung ah zaan suimilam 8:00 hnu ah ahohmanh leng chuak lo ding in SAC ralkap nih cathanh an chuah

 

 

Crd:TCP

Author: admin

Leave a Reply

Your email address will not be published.