Daw Aung San Suu Kyi N ih Mipi Sin Ah Hnubik Bia Cah Nak A Tuah Mi Cu Ngeih Chia Tuk Si

Mizapi cu pakhat le pakhat i bawmchan ding in le lungrual te i ṭangṭi ding in Pi Aung San Suu Kyi nih June 13 zinglei biaceihzung a kal lio ah mizapi sinah bia a cah, tiah biaceihzung ah naihniam in ummi hna nih RFA ah an chim.

Rampi ruahnak petu Suu Kyi cu a ra lai mi June 19 ah 77 tling ding a si cang. SAC ralkap nih Myanmar rampi uknak an laak hnu in tlaih a tong ve i, a lamkip in taza an cuai hnu ah sualphawtnak phun 19 he biaceihnak an tuahpiak.

Atu cu sualphawtnak phun 6 ca ah kum 11 thongthlak ding in biakhiahpiak a si i, a taangmi sualphawtnak phun 13 ca ah biaceihzung ah a chuah cuahmah lio a si.

Pi Suu Kyi cu a min langhter lo mi hmunthup pakhat ah chiah a si i, biaceihzung kal caan ah amah sihni(lawyer) hna he tonnak dah ti lo midang ahohmanh he tonnak nawl pek a si lo. Pi Aung San Suu Kyi sihni hna cu zeibantuk media hmanh he pehtlaihnak nawl ngei lo ding in SAC ralkap nih an phihkhampiak fawn hna.

Nihin June 14 ah Pi Suu Kyi cu sualphawtnak a hmuh mi chung in ‘Daw Khin Gyi foundation’ he aa pehtlaimi sualpuhnak phun 4 le, Entrepreneur U Maung Wat(မောင်ဝိတ်) sin ah phaisa na laak tiah sualpuhnak phun 2 kong ah Naypyidaw special court ah biahal a si. Nihin June 14 i biaceihzung a chuah ah cun Pi Suu ngandamnak cu a ṭha ko tiah biaceihzung um mi cheukhat nih an chim.

 

 

 

Crd:TCP

Author: admin

Leave a Reply

Your email address will not be published. Required fields are marked *