Falam Khuachung No2 Sianginn Ah Puah Keh Thawng A Than Ning Thawng Pang Thar

Chin ramkulh, Falam khuachung Cinmual sang siangsangrun no.2 lamṭhennak pawng ah Tuzaan (June 13), zaan suimilam 10:02 ah puahkeh thawng kan theih tiah khuami nih an chim.Puahkeh thawng theih a si hnu in sianginn ah umhmun khuarmi SAC ralkap nih meithal an thlah, tiah theih a si.

Kyaikhto peng Sittaung mibawmchantu motor(ambulance) pakhat cu kah an ton caah mibawmchantu chungtel pakhat nunnak a liam i, pakhat nih hliam a tuar, tiah theih a si. Nizaan June 9, zaan suimilam 10:00 hrawng ahkhan Sittaung ah nam sawh a tongmi mizaw pakhat cu mibawmchantu motor, mizaw phorhnak in siizung ah kalpi a si i, an kir lei Ingabo(အင်္ဂဘို) khua pawng an phanh ah an motor cu kah an tong, tiah theih a si.

“Motor chung ah cun motor khaltu le midang 2 an cuang i, siizung ah mizaw an chiah i an kir lei ah kah an tong. Motor chung cuangmi pahnih cu kuan nih a hliamh hna pakhat cu a paang ah hliam a pu i, pakhat cu a phei ah hliam a pu ve. Siizung an phak hlan lampi ah pakhat cu a nunnak liam,” tiah tualchung mibawmchantu pakhat nih a chim. Sittaung mibawmchantu phu hna cu Covid zawtnak a um thawk in atu tiang mibawmhchanh rian an ṭuan tiah theih a si.

“Mi bawmchantu phu motor zong kah kan ton caah zaan ah bawmhnak halmi an um ahcun kan hnon cang lai, aho poh hi kan biapi dih, mizaw zong kanmah zong kan biapi dih,” tiah Kyaikhto khuami mi bawmchantu phu chungtel pakhat nih a chim. Mibawmchantu a kaptu hna hi hote an si theih a si rih lo.

 

 

Crd:TCP

Author: admin

Leave a Reply

Your email address will not be published. Required fields are marked *