CDF Mipi Ralkap Le SAC Ralhrang Fak Tuk In Kah Doh Nak Ah CDF Nih Tanglei Ban Tuk Ruang Ah An Sakhan An Chuah Tak

Lawngtlai 13 Pur 2022 : Chin ramkulh Kanpetlet peng 9 Pur ah kahdohnak fak a chuah hlei ah hriamnam i thlau ruangah CDF Kanpetlet Battalion 2 Vakok riahbuk cu an chuahtak, nihnih chung kahdohnak ah ralhrang 20 leng an thi tiah theih a si.Magway ramthen, Kyaukhtu khuachung ah hmunkhuar mi ralhrang cu 9 Pur ah Kanpetlet peng lei ah ralhmau an ser caah CDF Kanpetlet le a hawikom phu he kahdohnaj a chuak, hi kahdohnak ah ralhrang 9 an thi tiah Kanpetlet mizapi ukhruainak phu in tuanvo ngeitu pakhat nih a chim.

Ralhrang le CDF Kanpetlet fonh phu hna cu 9 Pur zinglei suimilam 10 – 11 am tiang voikhat, zaanlei suimilam 5 – 6pm tiang voikhat ti’n kahdohnak a chuak.Ralhrang hna cu Letmon khuathar mizapi thilri an hrawh, satil arva an fir an thah hlei ah Letmon khuahlun ah ralzaam pakhat cu ralphaw caah an tlaih tiah theih a si.Kahdohnak ah thi le hliamtam mi ralhrang nih 10 Pur ah CDF-Kanpetlet Battalion 2 Vakok riahbuk lei ah hmuitinh in ralhmai an ser i zinglei suimilam 7 – 9 am ah voikhat, zaanlei suimilam 1 – 4pm tiang ah voikhat ti’n kahdohnak a chuak.

Hi kahdohnak ah ralhrang lei a tlawmbik 15 an thi i 30 hrawng hliam an tuar tiah CDF Kanpetlet nih an thanh.10 Pur ah Kyaukhtu lei in miakpi ralkap le Mindat hrambunh LIB 274 Battalion hna nih MM 120 in kah an bawmh hna caah le minung thazaang, hriamnam i thlautuk ruangah CDF Kanpetlet Battalion 2 Vakok riahbuk cu kan chuahtak tiah CDF Kanpetlet nih an thanh.Ralhrang ralhmai sernak lamthluan ah a ummi khua 9 in mizapi cu lakhruak in minung thonghnih hrawng an zaam.Kanpetlet kahdohnak ah CDF Kanpetlet cu The Youth Force ( Saw,Kyaukhtu) /PDF (Ngianyian) , Saw PDF Battalion 2, YRPA nih an bawmh hna.

 

Crd:The Lairam Times

Author: admin

Leave a Reply

Your email address will not be published.