Rebecca Saimawii Norway-Ah Hla Sak Ding  

Mizo hlasakthiam cuai thei lo Rebecca Saimawii cu Norway-i Froland-ah Aung San Suu Kyi Park, Norway-in an sawm vekin June 18, Inrinni ah hin Frolands-ah hla a sak ding.

Aung Suu Kyi Park lam cun nikum lam ah tla an programme-ah an sawm zo ih  online-in hla a sak sak zo ih, cumiah khal a lar pi nasa ih, a hla  video ringawt hmanah million 4 thain an rak zo a sa. Cumi a si ruangah tu kumah hin an sawm leh a si, tukumah hi cun a hmun roriah fehin hla sak ding a si.

Rebecca Saimawii a feh ding ti an theih ve ten National Unity Government of Myanmar (NUG) lam khalin July 2-ah a mah hrangah concert an buatsaih sak ding bawk.

Aung Suu Kyi Park cun July 16-18 ah hin festival an hmang ding ih, June 19-ah Aung San Suu Kyi suahni pual ih tuahmi a si ih, himi festival ih an sumpai  hmuh suah mi ih sin Myanmar lam ih ralkap uknak thuneihnak hnuaiih   harsatnak tuar mi pawl hrangah bawmnak dingah an hmang ding a si.

Rebecca Saimawii cun, “Myanmar revolution hrang ih theihtawp ka suah nak  leh an hrangih hla ka sak hmaisa bik ka si nak theiin  in in rak sunlawih ve a si,” tiin a hla sak ding mi thuhla cu  Vanglaini a sim. Rebecca-i hian Aung San Suu Kyi suahcap pual in hla khal a rak   phuh zo ih cumi khal Myanmar mite’n an ngaihlu in an sunlawih nasa a si.

 

Author: admin

Leave a Reply

Your email address will not be published.