Sagaing region leh Magui region inrina Miaung leh Yizagyo township inkarah firfaik sipaite opration neih tum chu tualchhung PDF ten June ni 9 zing lamah lambunin an kap a, bomb an hmang bawk a, sipai 15 aia tlem lo an thih thu Miaung topwnship mipui venghimtu paw (PDF) te hnen atanga hriat a ni.
Firfiak sipaite chu Yizagyo township atanga Miaung township lama an kal laiin tualchhung PDF ten lambunin an kap a, sipai 10 chuang an thih thu hriat a ni a.
Chutianga lambua kah an nih takah chuan mu leh mal nei lovin, an tlan chhia a, bomb kam 3 rap puakin sipai 5 aia tam an thih belh leh thu hriat a ni bawk.
Firfiak sipaiten silai pangngaiin kap let thei lo mah se, 60 mm, 40 mm hmanga an tawng pawng kah vak avangin, PDF lama sipai pakhat chu an kap hliam a.
Chu inkahnaa tel tualchhung PDF te chu PDF TALOKE, MGN RANGER, MGN TIGER, MGN 35, MGN 21, SHWE OH pawl, (CDSOM Chhim lam) leh Boe Chiatit ( CDSOM Chhim lam kaihhruai) te an ni.
Tunah chuan firfiak sipaiten Zayatnyi khuaa civil chenna in 2 an hal chhe tawh a, Miaung township Minhla khaw lamah kalin mipa 3 an man bawk thu hriat a ni.
