Malaysia Ram Ah Thih DanTat Nak Phung Hram Hna Cu An Hrawh I Phundang In Dantat Nak Tuah Ding In Lungtlin Nak An Ngei

Malaysia cozah nih thih dantatnak peknak phung cu hrawh ṭhan ding in a lungtling cang, tiah Prime Minister zung ah ṭuanvo ngeitu pakhat nih a chim. Biaceihnak zung nih biachahnak an tuahmi thih dantatnak tiang pek aa tlakmi sualnak cu dantatnak phun dang deuh pek an si cang lai, tiah June 10 ah cozah nih an chuahmi cathanh ning in theih a si.

June 8 ah an tuahmi cozah rianṭuantu hna tonbiaruahnak ah cun thih dantatnak pek ti loin dantatnak dang deuh tu pek si cang seh tiin biatung chuahpitu an um i, cu an chuahpimi biatung cu Malaysia cozah zong nih a cohlan ve.

Thih dantatnak sualnak kong he pehtlai in dantatnak dang deuh in thlen si cang seh ti in an chuahpimi cu pehzulh in dothlatnak tuah chap ding in Malaysia cozah zong a lungtling. Malaysia ram ah thih dantatnak pek khawhmi sualnak hna cu: lainawng, ritsi zuar, tharum thawh sualnak le meithal thlah hna hi an si.

 

 

Crd:TCP

Author: admin

Leave a Reply

Your email address will not be published.