Thantlang Baptist Church(TBC) Biakinn A Kang

Chin ramkulh, Thantlang Baptist Church(TBC) Biakinn cu tuni June 9 zanlam nazi 4:30 hrawng ah a kang, tiah theih a si. Thantlang upa pakhat nih cun, Tuzanlam nazi 4:30 hrawng ah kan Biakinn pi cu a kang, Vuichip tlang lam khalin hmuh theih a si. Inn dang a kangmi um le um lo cu kan thei hrih lo,” tiah The Chin Post ah a sim.

TBC cu Thantlang biakin lakah a hlun bikmi Biakinn a si i, kum 1965 hrawngah Thantlang khua an rak thawn lai ah Rev. Hei Mang nih a rak hruai mi, TBC hmun hi a ṭha bik, a rem bik a rak ti mi a si ruangah  hi hmun hi kan rak hril,” tiah a sim cih.

TBC kohhran i mipakhat nih, “Tuan piin a kang zo si ding tiah kan ruahcia mi a si ko. Asinain kan Biakinn pi a vun kang ngai ngai tikah cun kan riah a sia tuk rori a si. Biakinn hlun bik le pupa ro vekin in kan ruahmi a si ruangah kan riah a sia tuk  tiah The Chin Post ah a chim.

TBC cu minung 3000 leng luan leh insang 600 hrawng an an khawmnak  Biakinn a si. Thantlang khuasung ah TBC Quarter 6 tel in Biakinn 10 a kang zo.Credit – The chin post

Author: admin

Leave a Reply

Your email address will not be published.