Chin National Front (CNF) ralkap fala Daisy- Interview nak 

Kum 2021 February ni ih sin ralkapin thuneihnak a lak hnuah ralkap thuneihnak pawm lo, thalai thenkhatin ralthuam kenhin  military council ralkap cu an bei let a si.

Cumi thalai pawl lak ih sin Chin nunau fala Daisy khal a tel ve a si. Fala Daisy cu Magui University ih sin Law degree la zo mi a si ih, tuah cun Chin National Front (CNF) headquarters Victoria ralkap camp-ih ralkap lam sinak tuanvo nei tu a si, amah interview-nak; thusuhnak leh a simnak hi rak ngai hnik uh.  .

Thusuhnak: Himi ralthuam na ken nak san hi in sim thei pei maw, Hi dictator system hi kanmahin kan dodal lo a si ah cun dodaltu an um nawn lo ding cumi ruangah, thalai pawl cu tun hi an harhsuak can a si timi ruahnak neiin  hi mi Chin National Front-ah hin ka lut ih, ralthuam ka keng a si tiin a sim.

Ralthuam kan ken hlanah cun ralmuang takin lam kan zawh ih. asinan military council lamin ralthuam an lek suak ih, mipi cu dik lo takin an kai ih, thalai tam tak an tel. Cu mi lakah hin ka rualpi pawl tla an tel a si, curuangah  ralthuam tel lovin kan dodal thei lo ih, kanni lamah cannak a tam tuk thlang ruangah leh ralthuam an ken vekin keng ve a tul ti ruahnak neiin ralthuam keng ka si.

Thusuhnak: Ralthuam na keng hlanih na thil tummi leh na rak suangtuahnak pawl in sim thei pei maw,  Kei chu Dan lam thei mi ka si vekin, Ukil tha tak si ka chak ih. Cun Law school-ih tlawng ka kai khal hi, tum nei ih kai ka si. Kan Chin state-ah hin zirnak hi a rak hniam tuk ih. Khawpi lamah fehin zir a tul theu. Cu mi a si ruangah zirnakah hin harsatnak tam pi a um theu a si. Tawng leh thil dangah thleihdannak tampi a um ih. Tin, Dan lam zir hi kan nasa a si. Dan lam zirih eihawlnak ih hmang kan mal tuk ruangah, kei cun mai khua ih hmang tangkai theihnak ding ngaihtuahin cu mi school-ah cun ka zir suak a si.

Thusuhnak: Na hmai lam can ih na tumtahnak le tuih na dinhmun zoh salin beidawng can na nei theu maw.  A cangah cun ka beidawng nasa theu,  . Ka rak tumtahnak leh tuih ka dinhmun cu a bang aw thei nawn lo ruangah, ka beisei nak a hlo ih ka beidawn theih a si. Sinan, beidawng thei kan si lo. Tuan ding tam pi kan nei ih. Harsatnak, Thlipi a um hnu lawngah hin  boruak a dai nuam theu a si, curuangah tuih kan thlen cinah hi mi cu ka tih thei a si lo, a theih loh tiih beidawng mai lovin, a theih dan lam leh a tha sawn ngaihtuahnak thinlung thawn hmai lam kan pan phawt cun ziangtik niah maw cu hlawhtlinnak cun in rak hmuak ding ti ka zum a si a ti.

 

Author: admin

Leave a Reply

Your email address will not be published. Required fields are marked *