Pauh township, Kai-Le police station cu PDF-in luhchilhin an la ih, police pakhat an kai ih, mi dang cu an tlan hlo man.

Magui region, Pauh township chhim lam, Kai-le khuih police station cu PDF tangrual pawlin June ni 7, zing lamah luhchilhin an la ih, police pakhat an kaiih, police dang pawl cu an tlan hlo thluh ih, cu mi hnu reiloteah ralkap lamin helicopter hmangin an rawn kah thu theih a si.

June ni 7, zing lam nazi 6 hrawngih sin PDF pawlin police station cu an luhchilh thawh ih, cutawkih um police officer Ya Zu Maung leh a phuaih pawlin theih tawpin an rak kap ve ih, station an lak hnu, nazi 8 hrawngah ralkap lam leh van lam ih sin talkap lam tanpitu pawl an ra thleng ih khaw kiangkap ih um pawl cu an tlan thluh a si tiin thu theih a si.

Khuasung mi pakhat cun, “Pauh township, Kai-Le khaw sungah helicopter zamin an run kap ih, khaw mual lamah khal ralkap pawl an ra ve ih. Police station tlansanin police pawl cu khawsung miin lamah an relh ih. anmah tanpitu ralkap ra pawl khal  Tayetpyi khua kiangah an um cia zo a si,” tiin Khit Thit media a sim.

 

 

Author: admin

Leave a Reply

Your email address will not be published.