Chin Ramkulh Ah Raltlan Mipi 90,000 Lenglo Um, Kawlram Pumhuap In Mipi Inn Le Lo 11,400 Lenglo Meisa Thawn Urkang Tuar.

ICNCC-Interim Chin National Consultative Council le Ministry of Humanitarian Affairs and Disaster Management, NUG cun SAC ralhrang in Kawlram sung hmunhma 296 ah mipi inn le lo 11,417 hrawng meisa thawn urkang in an siatsuah ih a si.

Chin ramkulh sungah raltlan mipi 36,300, India-Kawlram ramri kanin India ram lamah himnak latu 39,100 le ralhrang in mipi thuneihnak an lak hlan ihsin Paletwa peng sungih raldonak ruangah tuni tiang mipi 13,000 cu mah le inn cio ah an tlung thei hrih lo tiah Data for Myanmar le UNHCR ih thusuah pawl sirhsan in thusuahnak an nei tlang.

Sagaing Ramthen, Kalay Peng,NatChaung Khua Ah SAC Ralhrang Le Mipi Kilhimbu Pawl Karlak Kahdoawknak Nasazet Asuakih SAC Ralhrang In Avei Nganak Meisa Thawn Urkang Ruangah Mipi Inn Le Lo (46) Vutcam Ahcang.

5th June, 2022, Leitlunpi Huap Ih Leilungpi Kilkhawi Ni- World Environment Day Ah SAC Ralhrang Kutin Nunnak Liammi Dothlengtu Paraltha Ralkap Pawl Upat Peknak Ah Thingkung Phun.

Thalpau dothlengnak- Burma Spring Revolution sung ah nunnak a liam mi dothlengtu paraltha ralkap pawl upatnak hrang ah, Magwe ramthen, Min Hla peng ah, mipi kilhimtu ralkap pawl nih, kum 2022, June thla ni 5 “Leitlun pi huap ih leilung pi kilkhaawi ni“ ah, thlawr thingkung, pyitaut thingkung, yinmar thingkung, Thinwin thingkung, thingthei thing rah kung pawl tel in, thingkung(200) lai an cing tlang.

Kum 2021, June ni 5 khalah Chin ramkulh, hmunhma pakhat ah 2021, June ni 4 tiang SAC ralhrang kutin nunnak liamtu mawhneilo mipi 845 hngilhlonak ah Sokhlei le thingkung dang pawl phunin upat peknak an nei dah

 

Author: admin

Leave a Reply

Your email address will not be published. Required fields are marked *