Taze Peng Khuate A KhangTu Pawl SAC Ralhrang 90 Leng An Thah Hna

Sagaing ramṭhen Taze peng khuate lei inn a khaangtu SAC ralkap le tualchung hriamtlai phu karlak ah, May 29 in June 1 tiang ni 4 chung kahdohnak a chuak i, cu kahdohnak ah cun SAC ralkap 49 an thi, tiah Taze PDF he naihniam in ummi pakhat nih a chim. Cu ni 4 chung kahdohnak ah cun tualchung hriamtlai phu hna nih hriamngan le hriamhme an hman lengah bomb hmang in rallam a sialtu SAC ralkap hna cu an doh hna, tiah theih a si.

SAC ralkap hna nih May 29 in June 3 tiang ah Taze pengchung Kyuntaukung (ကျွန်းတောကုန်း), AungChainta(အောင်ချမ်းသာ), Myaukin(မြောက်အင်း), Yuashi(ရွာရှည်), Kungai(ကုန်းအိုင်) khua le Htanpinsait(ထန်းပင်ဆိပ်) khuachung an khangh caah inn 500 hrawng cu vuncaam ah a cang dih tiah Taze PDF nih a thanh.SAC Ralkap Serchuah Beer Box 120 Leng Cu Kayinni Ralkap Nih An Hrawh!: Phaekhung-Loikaw lampi, Phaekhung in Loikaw lei ah a kalmi motor ngan pakhat cu SAC ralkap serchuah Dagon beer box 120 leng a phorh caah PDF nih an tlaih i, an phorhmi beer vialte cu hrawhpiak dih an si, tiah Phaekhung PDF battalion 2 nih a thanh.

Phaekhung peng tualchung hriamtlai phu hna nih mizapi sinah SAC ralkap thilchuah phorh le cawk/zuarhnak a tuahtu hna cu fak piin hmalaknak tuah nan si lai tiah ralrin peknak cathanh an chuah.

 

 

Crd:TCP

Author: admin

Leave a Reply

Your email address will not be published.