Mindat Khua Chung Ah Non CDM Pawl Ralrin An Pek Cang Hna

Chin ramkulh Mindat ah SAC ralkap uk duh lo langhternak tuah duh lo in Non-CDM cachimtu hna cu hmalak an si cang lai, cupinah SAC ralkap kuttang um sianginn ah i ap lo ding in mizapi zulh ding phung an ser i, cu zulhphung a zul lo mi hna ca ah hmailei a chuak dingmi harnak kong ah ṭuanvo kan la lai lo, tiah CDF-Mindat nih June 3 ah ralrinpeknak thawng a thanh.

SAC ralkap rianṭuannak a cawlcangh khawhnak ding caah bawmtu a simi poh cu hmalak nan si lai, tiah CDF-Mindat in chimphuannak nawlngeitu pakhat nih RFA ah a chim. SAC ralkap kuttang um sianginn on an timhnak ah teltumnak a ngeimi hna cu SAC ralkap rianṭuan bawmtu nan si caah ral bantuk in ruah nan si cang, cheukhat cozah rianṭuantu hna cu SAC ralkap he ṭangṭi in, 2022-2023 cacawn kum ah sianginn on a si khawhnak ding ah teltumnak an ngei. CDF Mindat nih mizapi sinah SAC ralkap he hmunkhat ah rianṭuan ti lo ding in ralrinnak pek an si cang ko nain cheukhat cozah rianṭuantu hna nih zeihmanh ah rel lo in SAC ralkap he hmunkhat ah rianṭuanṭinak an ngei, tiah an langhter.

Non-CDM rianṭuantu hna le zulhphung a zul lo mi hna cu zeibantuk in hmalaknak tuah an si lai, CDF Mindat nih a langhter rih lo. Mindat pengchung SAC ralkap kuttang um sianginn ah sianginn i ap lo ding in le mizapi hruainak he dirhmi sianginn lawng ah sianginn kai ding in nu le pa sinah CDF Mindat nih nawlnak an tuah fawn. Mindat pengchung ah Mindat mizapi uknak lei phu nih caan karlak Mindat peng mizapi uknak phunglam (upadi) ser in, sianginn honnak zong an tuah tiah theih a si.

 

 

 

Crd:TCP

Author: admin

Leave a Reply

Your email address will not be published.