KNU Kah Doh Nak Thlakhat Chung Ah Voi 400 Leng A Chuak Ralhrang Pawl Ceilak An Phomh Hna

Kawtulay(ကော်သူးလေ) hmunram ah, May thlachung ah SAC ralkap, BGF phufonh le KNLA/KNDO phufonh karlak kahdohnak voi 400 leng a chuak i, cu kahdohnak chung ah cun SAC ralkap le BGF in 303 an thi tiah KNU nih a thanh. KNU hmunram Kawtulay ah KNLA, KNDO phufonh le SAC ralkap le BGF phufonh hna cu nifatin in an i kap tiah KNU nih cun a thanh. KNU nih a thanh ning ah, May thla thlakhat chung lawng ah KNU le SAC ralkap kar kahfohnak voi 448 a chuak i, cu kahfohnak ah cun SAC ralkap lei 303 an thi, minung 215 hliam an tuar, tiah a langhter.

KNLA le KNDO phufonh lei in ralkap 7 an nunnak a liam i, 26 hliamhma an tuar tiah a thanh chih. SAC ralkap vanlei kahdohnak le bomb thlahnak ruangah sualnak ngei lo minung 6 an nunnak a liam i, 21 hliamhma an tuar tiah KNU nih a langhter.Paungbyin Peng Ah SAC Ralkap Kah An Tong 30 Leng An Thi: Sagaing ramṭhen Paungbyin (ဖောင်းပြင်) peng Shwe Ngawngpin (ရွှေညောင်ပင်) le Pagantaung (ပုဂံတောင်) khua kar Shwe Pagan phungki biak inn ah umhmun khuarmi SAC ralkap le pyusawhti hna cu tualchung hriamtlai phu nih June 4 chunhnu suimilam 3:30 ah luhhnawh in an kah hna. Cu dohnak ah cun SAC ralkap le pyusawhti lei in minung 30 hrawng an thi tiah Paungbyin PDF nih an chim.

Kahdohnak ah cun tualchung hriamtlai phu lei in ralkap pakhat a nunnak a liam i, midang 2 hliamhma an tuar. SAC ralkap le pyusawhti lei minung 30 nak tlawm lo an thi i, hliamhma tuar zong an tam. Nihin June 5 ah SAC ralkap 15 nih zulhmi motor 2 in SAC ralkap le pyusawhti a thi mi ruak hna cu an char hna tiah theih a si.

 

 

 

Crd:TCP

Author: admin

Leave a Reply

Your email address will not be published. Required fields are marked *