Kayah ramkulh ah May thlachung a chuak mi kahdohnak ruangah SAC ralkap 107 an thi. KNDF in ralkap 11 an nunnak a liam ve, tiah theih a si. May 6 ni thok in thlakhat chungah kahdohnak voi 61 a chuak i cu kahdohnak hna cu a hlan nakin an fak deuh tiah Karannie Voice in ṭuanvo ngeitu pakhat nih the 74 Media ah a chim. “Kahdohnak hi a voi zong a tam deuh Chinchin. Mizapi vengtu ralkap a nunnak a liam mi zong an tam, ralzaam zong tampi an karh,” tiah a chim. Atu June thlachung zong ah SAC ralkap he kahdohnak a fak kho men tiah kan ruah tiin KNDF in tuanvo ngeitu pakhat nih cun The 74 Media ah chim chap.
Baw- La – Khe peng Nanphe(နန်းဖဲ)khua pawng ah May 23 zinglei a chuakmi kahdohnak ah SAC ralkap 10 an thi. Cu kahdohnak cu May thlachung SAC ralkap phu hna an thih a tambiknak kahdohnak a si.
KNDF in nunnak a liam mi ralkap 11 hna cu KNDF B15 in ralkap Khu They, KNDF B10 in Sergeant Saw Ka Paw Thu, KNDF Bo3 in ralkap Aung Shwe, PheKone PDF Battalion 2 in pakhat, 1008 Infantry in ralkap Aung Zin Tun, KNDG B02 in ralkap Kyaw Zin Thanh, KNDF B14 in ralkap Lwe Zi Kyi Maun, le ralkap BuaYee, KNDF B02 in ralkap Emma Nwe Le, le a dang ralkap 2 hna an si.
SAC ralkap nih May 16 ah Ka Suang Nan Khe ( ကေဆာင်နန်းခဲ)khua, LoiPaw le Nan Pung Lung khua hna ah inn 40 hrawng cu meikhangh in an hrawh. Mipi 5000 leng ral an zaam chap, tiah theih a si. Kahdohnak ah SAC ralkap a nung in minung 5 tlaih an tong tiah KNDF nih a thanh.
Crd:TCP
