Ralhrang uico  pawl ih tlawng school awn mi ZPCC leh ZRA pawl cun lungawi thu an sim 

Myanmar ram chhunga primary school June ni 2-a hawn a nil eh chu Zomi Political Combine Committee (ZPCC) leh Zomi Revolution Army (Eastern Command) ZRA ten a tha lam zawnga an lawmpui thu May ni 30 khan thuchhuah an siam thu hriat a ni.

ZRA leh ZPCC chuan, kum 2022-2023 academic session atan KG atanga Grade 11 thleng zirlai (curriculum) chu NLD sorkar laiin a lo duang fel vek tawh a; chu mi zulzui chiah zirlai thar anga zirtir a nih tur thu an hriat avang leh ram chhung hma lama hun a eng zual theih beiseia an lawmpui thu an tarlang a.

Zoram emaw Zomi ram emaw chhunga awm school naupangte chu nakin hun atana arsi eng turte an nih angin, Covid-19 leh Myanmar ram chhung politics buaina avanga kum 2 zet khar tawh zirna inte hawnga zirna bahlah lo tur leh hun remchang bawhpelh lova a tha thei ang bera zirna kalpui chhunzawm zel turin fuihna thu an tarlang bawk a ni.

Chu bakah mimal leh eng pawl pawhin Zogam chhunga primary leh high school building tihchhiat, silaia kah, zirtirtute kawng engemaw zang tihbuai, vau leh tharum thawh ang chi thil sual engmah ti lovin hriattirna an chhuah tel a.
Chutianga tilui an awm a nih chuan mi firfiak, pawl firfiakah ruangin dikna a awm theih nan thuneitu sorkar nen tangruala hremna pek a nih tur thu leh, a tul a nih chuan international Law zulzuia hremna pek an nih tur thu pawh tarlang a ni

 

Author: admin

Leave a Reply

Your email address will not be published. Required fields are marked *