Mi Theih loh Mi Sr. Gen. Min Aung Hlaing ih thunthu 

Tuih Myanmar ram thuneihnak latu, ralkap hotu bik Sr. Gen. Min Aung HLiang ih thuanthu, a nu leh pate thuanthu, mite theih hlawh loh tak thenkhat Mizzima media-in a puansuah mi hi vun tarlang ta ding.

Min Aung Hlaing  nu leh pate cu U Khin Hlai leh Daw Hla Mu te an si ih, Tanintayi region, Dawei khaw  suak an si ih. An umnak cu Dawei Phayagyi lamzin hmar lam veng, Shwe Taung Saa lamzin ih in ding thiangah an khawsa theu a si. Dawei a thlen cun cu mi in cu a a pal teng teng theu,  Thuneihnak a lak hnu lawkah U khin Hlaing sungte, cu ih um pawl an sahimnak ngaihtuahin hmun dangah an thawn ter a si tiin  tualcung mipawl cun an sim.

Cozah education department-ih tuan a nu leh pate cu Magway region, Minbu khuaah an thawn aw ih, kum 1956 July ni 3-ah Min Aung Hlaing cu a suak ih. A nauhak lai ih an koh dan cu Pho Ta Aye tih a si, mipa pathum, nunau pahnih an nei ih an unau cu panga an si ih, ani cu upat dan dawtaw in a palinak a si.

A pa cu paci zuksuai  thiam U Khin Hlaing cu Minbu khua ih sin Mandalay STDC scince school-ah Painting department director-ah an ret ih, kum 1961-ah an thawnaw ih Min Aung Hlaing cu Mandalay primarty school-ah a lut ih, kum 1966 tiang a zir.

A pa U Khin Hlaing cu education department ih sin contruction department-ih zuk suai thiam, lem ker lam department-ah an thawn ih, Mandalay ih sin Yangon lamah an thawn  kum 1967-ah Min Aung Hlai cu Yangon High school no. 1, Lahta-ah a zir zawm leh ih, kum 1972-ah phun 8 a pass ve.

Cumi lai, Yangon-ih an umnak cu Sule central fire department kawt building pakhatah an khawsa ih, General Ney Win-in thuneihnak a lakh hnu, mipi thil neih mi an lak sak mi lak ah cu mi building in khal a tel ve a si.

Phun 8 a pass hnuah Min Aung Hlaing cu Yangon University-ah Law lam zirin kum 1974-ah Military Academy (University)-ah Officer training weekly no. 19-in a lut ih, Pyin Oo Lwin-ah a zir zawm a si.

A nauhak laiah an inhnen pakhat cun, “Min Aung Hlaing cu a unau pawl lakahah a lungruh bik a si,” tiin Mizzima a sim.

A pa U Khin Hlaing cu construction department, Painting director a si lai, ah pension ding, kum 2 hrawng a um lai ah department sungih hnuaitute pawl cun signature campaign neiin an hek ruangah, a hna a chan ih. sinan, cumi laiah Construction Minister Colonel Sein Win tanpinakin pension cu a hmu sal a si.

Kum 1962-ih thuneihnak latu General Ney Win-ih Revolution Council-ih member rak si zo mi Colonel Sein Win cu kum 1964-ah Revolution cozah hnuaiih Public Work and Housing Construction department hotu (Minister) a rawn si ih, U Khin Hlaing Ministry department-ih a tuan theinak bik  cu  Colonel Sein Win ruangah a si.

Minister tiang si thei mi General Sein Win cu Mawlamyine khuaih suak si hman sela, Dawei-ah a nauhak laiihsin a um dah lo ih,  Min Aung Hlaing pa U Khin Hlaing cu a hun tawp zikte lamah Pago khua ShweTaHliaung hnu lamih in pakhatah mi theih hlawh lo takin a thi a si. A thih hnuah amah thawnih pehzawmawknak nei ih a sim mi nufa cu puithiam rawngbawl dingin an pum anpek awk thu a rualpi pawl cun Mizzima an sim a si.

 

Author: admin

Leave a Reply

Your email address will not be published.