KNDF-in kum khat hmel a hmuhin battalion 21, Military Strategy 5 a din hmanih, military council an bei let thei.

KNDF-in kum khat hmel a hmuhin battalion 21, Military Strategy 5 dinin, military council an bei let a, kum khat chungin military council sipai 1000 dawn an kap hlum thei.

Karenni Naitonal Defense Force (KNDF) din a kum khat champha chu May. Ni 31-ah KNDF battalion hrang hranga hman a ni a, sipai thuneihna tihtawp, Federal democracy din leh mahnia inawpna nei Union member Karenni state tun din an tum thu Chairman Khun-Bi-Thun-an a sawi a.

Karenni state chhungah military council sipai beih let a nih, kum khat chhungin 1000 dawn tihhlum a ni a, kum chanve vel atangin sipaiho beilet theihna dihmuna an awm thu KNDF Secretary-2 Ma-Wei chuan Khit Thit media a hrilh a ni.

Chutih rualin KNDF din a nih atanga kum khat chhungin mipui lam tanpuina hmangin an sipaite tan ralthuam engemaw zat pek nih tawh mah se, mimal tinin an la neih kim loh thu leh, indona hmuna silai hrawl tak tak leh a te lam pawh keng chhuak tura harsatna an la neih thu a sawi bawk a.

Tun dinhmunah ram chhung leh pawn lama awm vehbur khawntute, NUG sorkar leh KNDF te chu inzawmkhawmin ‘မမများနဲ့ ပွဲကမယ်’ (MaMa Mia Neh Puai Kah Me’ tih campaign an kalpui mek a, mipui lam pawh tel zel turin Ma-wei chuan a sawm nghal a.

Chu campaign atanga hmuh tur sumte chu NUG defense ministry atangin KNDF lamah a luang lut dawn a, chu mi zawhah Sagaing, Magway, Chin state-a awm revolution army-te hnenah pawh a taka tanpuina pek chhunzawm tum a ni.

 

Author: admin

Leave a Reply

Your email address will not be published. Required fields are marked *