Kalaymyo township sung ih dokahnak suakah  Military council ralkap 7 an thi ih; PDF lamah 1 a thi 

Sagaing region, Kalaymyo township chham lam, May ni 31 leh June 1 tiangih military council pawl leh tualsung PDF tangrual pawl cu an kah awknak ah  military council ralkap 7 an thih thu Chin National Defense Force (CNDF) pawlin thusuah an tuah.

CNDF thupuangtu cun, “Military council ralkap pawl cu Natchaung khua ih high school leh Aung Suh Pan puithiam school-ah hmun an khuar ih. Cu cu kanni CNDF, PDF (Kalay), RKDF leh tualsung PDF tangrual pawlin May ni 31-ah kan bei ih, kan kap aw  a si,” tiin a sim.

Cubakah Natchaung khua sungah khal June ni 1 zing lam nazi 8 ih sin zan lam nazi 6 vel tiang hrawng cu kahawknak a suak nasa ih, ni 2 sung kahawknak suak mi ah military council ralkap 7 an thih thu a sim.

Military council lam ralthuampi puak mi mu in a ngah mi PDF (Kalay) ralkap pakhat in a nunnak a liam ih, pakhat a hliam ih. CNDF ralkap pakhat in hliam a tuar bawk a si.

Military council ralkap pawl cu June ni 1, zanlam ih sin  Natchaung khua sungih umnak in pawl an ur ih, May ni 31-khalah ralthuampi an tawngpa kah ruangah, Nat-Miaung puithiam school parah raltlan civil mi 7 te an kap fuh ih, pahnih cu an ngaihtuahum nasa a si.

Cu mi kahawknak thuhlaah thi leh hliam dinhmun cu ralkap lamin thusuah ziang hman an tuah hrih lo a si.

Author: admin

Leave a Reply

Your email address will not be published. Required fields are marked *