U.S.A Ram Ah Kum 2022, Thla Nga Sungah Meithal Kahtuarnak Cu Miburpi Lakah Voi(212) Le Tlawng (27) Ah A Cang.

1st June, 2022 ah Tulsa ih sizung campus sung mina zohnak innpi pakhat ah meithal pahnih kai mi pakhat in mi (4) akap that ih amah khal meithal kahnak hliamhma thawn a thi tiah thuthang kan ngah.

U.S.A ram sungah kum 2022, January ni 1 ihsin May thla sungah meithal kahnak ruangah kumkimlo nauhak le mino 653 nunnak a liam ih 1,600 lenglo meithal kahnak ruangah hliamhma an ngah tiah thieh asi. U.S ah meithal hi nauhak le minotete nunnak an liamnak sanbik asi.

Chin Miphun Ih Thuanthu Roling Ih Telmi SIALLUM Ralkhamnak AD 1885 ah Mirang pawl in Kawlram an rak sim ii an rak lawng nan Chin ram cu mah le daan le ukawknak tangah zalen zetin aum hrih. Koloni uknak tang ah a thlengthei hrih lomi Chin ram cu Mirang pawl in 1888 ah nawr in ram lak dingah timtuahnak an nei.

1889, May thla ah Chin ram anawrtu Mirang pawl cu Chin ram ih pacang tha, nucang tha pawl in neihmi hriamhrei pawl kaiin an do ih an nunnak tiang pek in Chin ram an humhim. Cuih Chin ram thuanthu ih raldonnak anasabik suahnak hmunhma cu Siallum ralkhamnak tiah kawh asi ih Chin miphun hruaitu pupa pawl le paraltha, nuraltha (28) ih nunnak sunglawi an peknak hmunhma pakhat asi. Siallum ralkhamnak cu Chin ramkulh, Tedim peng, Voklak khua ihsin peng 1.5 hlatnak ah aum.

 

Author: admin

Leave a Reply

Your email address will not be published. Required fields are marked *