KNU brigade 5 Hmunram May Thlachung Kahdohnak Ah SAC Ralkap 140 Leng An Thi: KNLA no.5 brigade kuttang tualchung hriamtlai hna le SAC ralkap/BGF karlak May thlachung kahdohnak cu June 2 ah KNU brigade 5 nih a thanh. May thlachung ah hin kahdohnak voi 340 a chuak i, cu kahdohnak ah cun BGF lei in ralkap 143 an thih lengah minung 103 nih hliamhma an tuar, tiah theih a si.
SAC ralkap le BGF lei an thilphortu Laa 29 thahpiak an si lengah Laa 4 cu hliam an tuar, tiah an thanh chih. SAC ralkap lei a thimi cazin chungah tat-yin-hmu 2 le tat-suh-hmu 1 an i tel. Hliamhma tuar hna cazin ah SAC ralkap tat-khuai-hmu 1 aa tel tiah fehter a si. KNLA lei in ralkal pakhat a nunnak a liam i, 7 hliamhma an tuar tiah theih a si.
May, thlakhat chungah KNLA no.5 brigade nih SAC ralkap nih thil phorhnak an hman tawnnak hleidonh 2, thil chanhnak ah an hmanmi motor 4 le SAC ralkap zung pakhat an hrawhpiak hna. SAC ralkap le BGF hna nih hriamngan kuan 106 cu mipi umnak hmunah an thlah caah sualnak ngei lo minung 2 an nunnak a liam i, minung 14 nih hliamhma an tuar tiah theih a si.
Crd:TCP
