Kalay Peng SAC Ralhrang Nih CDF An Tleih Mi Hna Kong Thawng Pang Thar

Kalay peng, Cikung khua chekgate ah May 30 chun ah SAC ralkap nih cheknak an tuah i CDF training a dih mi Salai Lal Cung Mawi le Salai Rual Sang Cung cu an tlaih hna tiah SAC ralkap thawngzamh simi Fifty Two News nih June 1 ah a langhter.Tlaih a tong mi Salai Lal Cung Mawi le Salai Rual Sang Cung cu Falam peng Hrianghnang khuami an si tiah an langhter. Hi kong ah  fehter khawh mi kan ngei kho si rih lo

CDF ah ka lut. Ka lungchung in khua ka ruah mi pahnih a um. Cucu, kei cu ka nung in ka kir ti lai lo, ka thi ko lai ti le kan kan ral hi fawi ah kan tei lai lo, a tei zong kan tei lai lo khoi men, ti hi a si.
A sinain miphun ai-awh in ka nunnak ka pek khawh i, dothlennak ah kan tel khawh hi van that ah ka ruah ko. Caan tlawmpal ah kan hawi le CDF pawl cu Malaysia kal na leh, India lei ah kal na leh. Kei zong ka chungkhar nih CDF in chuah i hmun dangdang ah kal ding in an ka fial ve nain ka duh lo. A ruang cu, CDF ka luhka kuanfang hang din in bia ka kammi le ka lungfah tuk i CDF ka luhnak hi a sawhsawh si ter ka duh lo.

Kan ral hi kan tei lo hmanh ah ka nunnak dih ko seh tihi ka biakam a si. Cu biakamnak cu Ralhrang nih uknak an lak ka te i mipi hna nih ram pumpi i lam an zawh i duh lonak an langh ter lio ah, mi pakhat nih USA embassy hmai i, “SAVE MYANMAR, WE PREFER DYING TO LIVING UNDER DICTORSHIP” timi catar i ken i an auh lio ah, hihi ka hmui timhmi cu a rak si. Cu caah ka hawi le CDF vialte nih ka chuak tak hna in tlau viar hmanh hna sehlaw keimah pakhat lawng ka tang ko lai. Keimah pakhat lawng ka tang bal fawn lai lo. CNA an um ko caah ka hna ngam ko.

CDF hi kan tam ngaingai. Mi fel an um ban tuk in, mifel lo zong an um ve. Mi hrawlkhawl le eihmur hman an um ban tuk in midingfel le mittha an tam tuk thiamthiam ko. Soiselnak a tam ngaingai ko. Cucu nga pakhat nih nga zapi a thutpi timi kha a rak dik taktak hme hi ka ti. Ral tuk a ngamh lo an tam tuk ban tuk in thih ngamh in raltu kan tam tuk thiamthiam ko. Cu caah sining aa khat lo mi nunnak lamthluang ah ram a khelmi kan si. Hihi mi zapi zong nih kan theithiam piak uh ti ah saduh kan that tawn.Cu caah kei ka nunnak cu kanram le kan miphun caah ka thap.Crd:Global Village News

Author: admin

Leave a Reply

Your email address will not be published.