SAC Ral Kap Le NTDF Kahdoh Nak Ah SAC Ralhrang An Thah Len Mi Hna An Tam

Tantaung Pengchung SAC Ralkap Le NTDF Kahdohnak Ah SAC Ralkap 13 An Thi: Kayin ramkulh Tantaung pengchung ah SAC ralkap motor 1 le ke in rallam sialtu zeimawzat hna cu nizaan May 28 ah Tantaung thlanglei um NTDF nih an kah hna caah SAC ralkap 13 leng an thi tiah theih a si.

Nizaan May 28 zaanlei suimilam 5:30 hrawng ah Tantaung peng Kyauktakha(ကျောက်တံခါး) khua lei ah ke in rallam sialtu SAC ralkap 40 cu Yetashi(ရေတာရှည်) PDF Boshar law le NTDF phufonh nih an kah hna i cu kahdohnak ah cun SAC ralkap 10 hrawng an thi. Zaanlei suimilam 6:00 ah Shanlaypin(ရှမ်းလယ်ပြင်) khua lei in a chuakmi SAC ralkap motor pakhat cu NTDF nih an kah ṭhan hna i, cu kahdohnak ah cun SAC ralkap 3 an thi, tiah NTDF in chimphuannak nawlngeitu Bu Moh Sait nih a chim.


Kahdohnak a chuahnak hmunhma cu KNU brigade 2 hmunram ah a ummi a si i, Tantaung-gyi peng Shanlaypin khua le Chinpaungtaung(ချဉ်ပေါင်တောင်) khua hna ah SAC ralkap hmaikal nih riahbuk an rak sual, tiah theih a si. U Ko Gyi nih a hruaimi Tantaung NTDF cu KNU brigade 2 hmunram chung ummi KNLA phufonh pakhat an si i, 2021 August in SAC ralkap he voi 20 hrawng an i kap cang. Ralbawi 3 telh in SAC ralkap 150 leng kan fimhlawm cang hna, tiah NTDF in U Moh Sait nih a chim.

 

 

Crd:TCP

Author: admin

Leave a Reply

Your email address will not be published.