Kalay Kah Doh Nak PDF Ruak Le An PDF Ralkap An Tleih Mi Hna Kong He Peh Tlai In Thawngpang Thar

May 29, 2022 chunhnu suimilam 12:30 hrawng ah Sagaing ramṭhen Kalay peng Myaungsung khua nitlak lei ah security hngak SAC ralkap hna nih hmunhma zohfelnak an tuah lio ah PDF he an i kap i, cu kahdohnak ah cun SAC ralkap lei cu an him tiah SAC ralkap media nih a thanh.

Cu kahdohnak ah cun PDF lei mi 2 ruak, kutser meithal 4, kutser bomb lung 77, bomb sernak thilri 11 le raltuknak ca hmanmi thilri zeimawzat, cycle 7, diesel pung 7, Power Generator 1, point 306 sniper kuan 4 le ralkap angki zun 3 kan laak, tiah SAC ralkap media pakhat si mi Fifty Two News nih a thanh.

Myitchay Pengchung SAC Ralkap Bomb Puahhnawhnak Ah Ralkap 7 An Thi: Magwe ramṭhen Myitchay pengchung ah ral vengtu SAC ralkap hna cu May 28, zaanlei suimilam 4:00 hrawng ah bomb puahhnawh in doh an ton caah mi 7 an thi, tiah theih a si. Cycle 3, motor 2 he a kal mi SAC ralkap 30 chung in minung 8 cu Myitchay-Sabae(မြစ်ခြေ – စဘေ) motor lampi hmunkhat, bomb thianhhlimhnak an tuah lio ah Myitchay-Gyunchawng tualchung hriamtlai phu MC-KC-DF nih bomb lung 5 puahhnawh in an doh hna tiah ṭuanvo ngeitu pakhat nih a chim. “Bomb thianhhlimhnak a tuahtu SAC ralkap hna cu bomb puahhnawh an ton caah 7 an thi i, 1 nih hliam a tuar,” tiah a chim

 

 

 

Crd:TCP

Author: admin

Leave a Reply

Your email address will not be published.