Ralhrang Uk Nak Cu A Hram In Bongh Ding In KNU Le NLD Chungtel Upa Hna Nih TimhTuah Nak Tha Tuk An Ngeih Nak Kong An Vun Phuan

KNU le NLD council chungtel upa hna cu nizan May 27 ah Online in tonnak an ngei. KNU Vice Chairman Padu Saw Kuai Htu Win, Secretary Padu Saw Ta Du Mu, council chungtel Padu Saw Taw Ni, Pafu Saw Tana Htu Saw, Padu Saw L Kalu Se le NLD Council chungtel upa 5 hna cu tonnak an ngei, tiah theih a si.Cu meeting ah cun Federal rampi ser ding le ralkap uknak a hram in bongh ding kong cu biapi in an ceih, tiah theih a si. KNU le NLD i bawm in dohthlennak a dongh tiang doh le ṭuanṭi ding a biapitnak kong cu KNU Council chungtel Padu Saw Taw Ni nih a chim.

“NLD he Federal rampi sernak kong ah hinak ṭhawng chin le naihniam tein kan ṭuan ding hi a biapi bik a si. Cu bantuk in SAC ralkap uknak kan dohmi hi tam deuh in thazaang chuah le kutsih fek tein kan dohṭi ding a biapi tuk,” tiah Padu Saw Taw Ni nih Khit Thit Media ah a chim.

“Hi bantuk tonnak kan ngeihmi hi thil ṭha tuk a si, hinak tam deuh in kan i ton zong a herh. Thla khat voikhat kan i ton khawh peng a ṭha. Cunak a ṭha deuhmi cu ton a herh tik poh ah ton ahcun a ṭha bik ko,” tiah Padu Saw Taw Ni nih a chim. KNU le NLD Council chungtel upa hna an i ton hi, uknak laak hnu in a voi thumnak an i ton a si, tiah theih a si.

 

 

Crd:TCP

Author: admin

Leave a Reply

Your email address will not be published.