Pop Icon, Madonna (63) cun Instagram ah a thlalak phun phun a phochhuak ruangah Instagram chawkidar te mit ti kham thei thlalak pawl a tar suak in a rak phelh aw thuk deuh a si ding an community guidelines bawhsia ah an puh ih Live theilo dingin hrem a tiin a puang.
November 2021 ah khan Instagram lamin warning pe hmasa lovin a thlalak an lakthlak sak zo ih, himi ah hin a pawhte hmur a ti lang a si, Madonna hi lungawi lovin a hnu ah a thlalak pawl hi a rawn repost sai cih a si.
Manchester United footballer & MBE dawngtu Marcus Rashford khal nupi nei dingin a man zo. can rei pi a rak kawp zo ih ‘high school sweetheart’ Lucia Loi thawn an el awk thu khal a puang.
Tunah an pahnih in kum 24 ih upa ve ve an si ih, kum 15 an si ih sin an kawp aw tan a si Greater Manchester ih Mersey school ah an kai theu. 2018 ah khan reilote an then aw ih a si nan thenawthei tak tak lo in a hnu rei lo te ah an an thlun aw sal a si.
