Mindat township awptu pawlin mipui school-ah chiah naupang school luhtir turin thuchhuah an siam

Chin state, Mindat township chhunga firfiak sipaiho school hawnah naupangte luhtir lova, mipui zirna in hawna luhtir zawk tura school naupang nu leh pate hnena ngenna thu chu Mindat township mipui awptu pawlin May ni 25 date hmangin thu an chhuah a.

Chutah chuan zirlai nu leh pate chu an fate zirna lama an bahlah loh nan Mindat township mipui awptu pawl Township Education Board kaltlanga hawn village level public school-a luhtir zel turin an ngen a ni.

Mindat khaw chhungah military council kaihhruaiin school hawn tan tum a nih thu hriat a ni a, mahse tun dinhmunah zirlai naupang tan school kal chu, him tawk lo niin thuchhuahah tarlan a ni bawk a.

Chubakah military council-in a hawn tum school-a zirtirtu tur Non-CDM education staff te leh khaw chhunga military council zirna hlawhtling tura lo puitute chu mipui phatsantua an ngaih thu leh an chungah hremna pek a nih tur thu pawh tarlan a ni.

Mindat township chhunga zirna in hawn tumna kawngah military council nena indawrna engmah nei lo turin mipui awptu pawl chuan chiang takin thu chhuah an siam a ni.

Author: admin

Leave a Reply

Your email address will not be published.