Kutbei Kebei Tampi Zohkhenh Ding Kan Hmaika Ah An Chuak Kan Tthu Sawhsawh Lai Maw

Zumtu hna, Jesuh nih a kan fial mi “Bawmh a herh mi bawm hna uh, Tlunnak inn a ngei lomi tlunnak inn pe hna uh, Eidin Tirawl a ngei lomi hna kha Eidin tirawl pe hna uh” tiah an kan fial mi kha atu hi a caan lio pi asi.Kan mah theih hngalh mi, Laikhat le chungkhat cung lawng ah si loin, kan theih bal lomi minung tampi kan hmaika ah an phan cuahmah. Kan pasaltha hna ram caah kutke a petu hna kan mithmai ah an phan. An tlunnak inn a rem maw, tlunnak an ngei maw, tirawl an i chuan kho maw, Tirawl chumhchuan ding an ngei maw tibantuk tiang in vehvat ding an tam lio a si hih.

Voi khat cu mipa pakhat kha Jerusalem in Jeriko khua leiah a vung kal: Cu a vung kal lioah cun damiah nih an rak tlaih i a puan an phoih i an tuk i thilo nunglo in an kaltak. Cu lioah cun tlangbawi pakhat hi cuka lei lam ah cun a vung kal ngelcel; mipa cu a hei hmuh tikah lam khattelei kam cun a hrial. Cu bantuk thiamthiam in Levi mi pakhat zong cuka ah cun a va kal ve, mipa cu a hei kalhnawh i a hei bih tak i khattelei kam cun a kaltak ve. Sihmanhsehlaw Samaria mipa pakhat, cuka lei lam i khual a tlawngmi cu, cu pa umnak kha a va phan; amah kha a hmuh tikah a zaang a fak ngaingai. A hei fuh i a hma ah cun chiti le mitsur hang kha a thuh hna i a men hna; cun mipa cu a saòil cungah khan a chuan i khual riahnak inn pakhat ah a kalpi i cuka ah cun a zohkhenh. A thaizing ah ngun tangka phar hnih aa chuah i riahnak inn hngaktupa cu a pek i, ‘Amah hi òha tein rak zohkhenh law amah caah na liauheumi vialte cu hi lei ka ra kir òhan tikah kan pek òhan lai,’ a ti,” tiah a ti. Cun Jesuh nih cun aa thawh i, “Hi mi pathum hna lakah hin aho hi dah damiah nih an tlaih mipa innpa kha a si tiah na ruah?” tiah a ti. Phungbia cawnpiaktu saya nih cun, “Amah a zaangfahtu kha,” tiah a leh. Jesuh nih, “Va kal law cu bantuk cun va tuah ve,” tiah a ti.

Hi Tlangbawipa hi Rumra ngei ngai in biachim a thiam mi, Cawnpiaknak kip ah cawnpiak tu ah ser mi le zapi theih khawh tawk in chim ahcun, Pulpit cung ah a au peng mi zong a si kho. A si nain Jesuh nih an kan fial taktak mi cu a rak nganh diam ko hih. Kan nganh ve sual lai.Jesuh nih, “Ka rawlṭam can ah ei ding nan ka pek, Ka ti hal lioah ti nan ka dinh, Khual Ka si i nan inn ah nan ka tlunter. Puan aih awk ka ngei lo i puan nan ka pek. Ka zawt lioah nan ka thlawp. Thong ka tlak lioah nan ka veh….. Biatak kan chimh hna, Ka mi hna a hme bik cungah nan tuahmi cu Keimah cungah nan tuahmi a si” tiah a ti.

Tulio cu ral le rai ruang ah, Min Aung Hliang ruang ah kan ram cu thisen luannak, Hell ram bantuk a si. Hi lio caan ko ah hin Jesuh cawn piaknak hi a tak in langhter a herh lio caan zong a si.
Kan mithmai ah bawmhchanh hau tampi an chuak, inn ah thadam tein a it men ding, a tthu men ding kan si lo. Chatting le social media cahmai ah ruahnak thatha chuah pah in kan mah hrim zong a tak in tuan le zaanglei cawi a herh lio caan asi. Kan nih cun an kan pehtlaih lo, Official in theihternak an kan tuah lo ti len a hau lo. An kan tuah cio lo, an kan theihter cio lo. A kawl in kan i kawl cio lio caan a si. Official tbk kan uar karlak ah kan minung hawi an temtuar tuk sual lai. Lungchuak in, lungtho tein i peih caan a si tiah ka ruah ko hih

 

Crd:Salai Cung Dawt

Author: admin

Leave a Reply

Your email address will not be published.