ဧရာဝတီ Tipi tluan zawh ih Kata khua ih sin a so zawng ih feh ralkap ration phur lawng pathum cu tualsung PDF ten an kap ih, lawng pakhat a fuh thu KPDF pawlin thusuah an tuah.
May ni 25 zan lam nazi 2:30 hrawngah Kata tlun lam Wai Gyi khua leh Tanphaya Kong khaw karlakih feh cu ဗိုလ်သာလိကာ kaihhruai tualsung PDF lamin shock rocket H-22 hmangin vawi 7 an kap ih.
Cu mi ralkap lawng pathum lak ah pakhat cu an kap fuh ih, a khawl a siat cih ruangah, a feh thei nawn lo a si tiin, KPDF lamin an tarlang.
Cu mi lawng an kah fuh mi cu Moe Taa Lay lawngchawlhnakah ret a si ih. Cuvek tho thoin zing lam nazi 8 hrawngah cu mi lawng security latu, tipi kamih um ralkap 100 tlun cu Kata tlun lam Moe Taa Lay kaw kiangah tualsung PDF te thawn an kap aw sal a si.
Cu mi kahawknakah cun military council lamin meithalpi in an kap suak ih, minute 30 hrawng an kahawk hnuah tualsung PDF lam cu him takin an tawlh aw thei thu thei a si, Crd: Mizzima
