Kalaymyo Tahan veng chhungah laipui puakin in pakhat dengin, in neitu a hliam

Kalaymyo thlang lam, Tahan venga in pakhat chu May ni 25 zan dar 8:30 velah laipui mu puakin dengin neitu pa a hliam thu hriat a ni.

Tahan tualchhung mi pakhat chuan, “Zan dar 8:30 vel a ni ang, laipui mu den puak ri chu a ring khawp mai, an choka lamah a tla hlauh zawka a vanneihthlak hle. In neitu pa a inhliam a, na lutuk chu a ni lo,” tiin a sawi.

Kalaymyo-ah ni zan lamah sipai lamin laipui kap puakin, a hnu lawkah Tahan veng chhung in pakhatah tlain, in chung lam a tichhe nual a. Tahan veng chhung mi pakhat chuan, “Keini khaw chhunga awmte pawh kan him tawh lo, engtik hunah nge kan in chung hi a rawn den ve dawn tiin kan hlau thawng reng a. Tunah chuan military council sipaiten an duhna zawn zawnah a tawng pawng kah a ni ber a,” tiin a sawi.

Military council sipaite silai tawng pawng kah avangin Tahan veng chhungah laipui mu puakin in a deng fo ta mai a, May ni 10-ah pawh Tahan bazar bul KT chaw dawr chu a lo deng chhe tawh bawk a ni

 

Author: admin

Leave a Reply

Your email address will not be published.