Thantlang-ah Ralhrang Uico  leh CDF-Thantlang Kahawknakah ralhrang Uico 6 thi, 8 In hriamhma Tuar

Chin state Thantlang-ah May ni 23 ah khan military council ralkap leh CDF-Thantlang  khaw sungih kahawknakah uico ralkap 6 an thi ih 8 in hriamhma an tuar tiah theih a si.

Military council ralkap pawl cu  zing lam nazi 6 hrawngih sin Tahantlang khau sung veng no. 1 lamah opration an nei ih, CDF-Thantlang pawl thawn zanlam nazi 2 luan hrawngah an kah awk thu  CDF-Thantlang cun thusuahnak an tuah.

Cu mi kahawknakah cun military council sipai 6 an thi ih, ralkap dang 8 an hliamhma an tuar ih, CDF-Thantlang lam ralkap 4 cu ngaihtuah um lovin an hliam ve bawk thu theih a si.

Military council lamin operation an neihnak Thantlang khua sung veng no. 1 cu chennak in kang lohnak lam a si ih, a sinan ralkap pawl in meisa ih an ur kang ruangah umnak in tam tak a kan ral leh thu theih a si, umnak in kang mi hi ziangzet ciah a kang ti cu theih a si trih lo.

Military council ralkap pawl in  Thantlang khua chu nikum 2021 September thla ih sin May ni 23 tiang ah a mal bik ah vawi 28 an ur zo ih, Thantlang khua sung ih biak in 8 telin umnak in thawng khat leng lo an ur zo a si.

Thantlang khuaah umnak in 2000 tlun a um ih, mipi thawng hra hrawng an um theu ih, tunah cun military council ralkap pawl ih do nak leh umnak in ur siat nak ruangah, khuasung mi hmuah hmuah cu ramri ah leh Mizoram state lamah raltlan in an um thluh a si.

 

Author: admin

Leave a Reply

Your email address will not be published. Required fields are marked *