Russia Nih USA Leiba An Cham Kho Ti Hna Lo An Buai Nak A Sang Chin Ko

US bondholders sin a cham dingmi leiba Russia nih a cham khawh ti lo caah, leibacham kum sauhpiak ti lo dingin US nih biachahnak a tuah, tiah theih a si. Cu tikah, Russia hi leiba cham a tlolhmi dirhmun ah a dir cang lai, tinak a si. Ukraine a luhhnawh hnu in Washington nih biataktein a rialdit chin lengmang cang.Russia a leibacham kum cu Wednesday 12:01 am ET ah a dih/dong ding a si cang i, a kum kan sauhpiak ti lai lo, tiah US Treasury Department nih an website ah a langhter. Russia cu US rammi sinah leibacham a tlolhmi ram ah an canter lawlaw cang.

Kum dongh i ramdang he hnatlaknak tangah a cham dingmi $2 billion cu Russia nih cham a tlolh. Ukraine kong i Western ram nih a cungah phihkharnak an tuah len ko nain, nihin tiang cu Russia nih ramdang sin a ngeihmi leiba pawl a cham khawh dih ngawt hna ah a cang. Cun ramdang nih a cung i phihkharnak an tuah ko bu ah le a raminnpa pawl he phaisa an i peknak kongah buaibainak a um ko nain, nihin tiang cu Moscow hi ai chang kho ko rih, ti asi.Leibacham ni le thla an tukmi phaknak dingah karkhat lawng ai duh cang caah, Friday ah khan ramdang sin leiba pahnih a ngeihmi cu Russia nih zokzok in a cham hna – pakhat cu euro tangka in cham i, pakhat deuh cu dollar in cham dingmi a si.

Tutan i Russia leibachamnak a caan dihter a si mi nih hin Ukraine a luhhnawhnak a thazaang vun thawnter kho lo dingin kan kham bantuk ah a cang i, cucu US sanction policy caah hlawknak nganpi a si, tiin Deputy US Treasury Secretary Wally Adeyemo nih tuan ah a chim bal.
Russia leibachamnak license hi Washington nih a pehsauhpiak theng lai ka zum lo, tiah kan hnung zarh ah khan Treasury Secretary Janet Yellen nih a chim.Hi license hi US mipi he lawng ai pehtlaimi thil a si. Asinain, Global financial system ah US financial institutions hi biapihla ngaingai an si caah, cu bantuk leibachamnak phung cu ai kherhhlei ngaimi thil a si caah hin, midang sin leiba a cham ning zong hi ai harh phah te lai, tiah theih a si.

Moscow hi phaisa a ngeih lo ruangah a si hrimhrim lo. Cucaah tutan thil a cangmi hi cuhlan a um tawnmi leibacham khawh lo dirhmun he ai khat ruam lo. Russia leiba hi cu a zinaan le gas a zuarmi he tahchunh ah cun tlaktlailo te a si. Zinan le gas man a kai ciammaam i, April lawngah khan $28 billion man a zuar khawh, tiah theih a si.EUROPE i RALWW2 hnu ah a nganbikmi raltuknak Russia nih a tlunter hnu cun, Washington le a ramdanghawi pawl nih a chungah phihkharnak faakpiin an tuah. Russia a huatu Ukraine mipi hloh ka duh hna caah Ukriane ka hluhnawh hi a si, timi min bunh in Russia nih Ukraine a tuknak hi thla 3 a si cang.Cuhlan ah khan Russia hi chawlehnak a thatnak ram bak a si, tiin credit a sertu agencies pawl nih minthatnak an pek bal. Asinain, Ukraine a luhhnawh hnu khan cun, Russia ah chawlehnak an tuah ngam ti lo, a chawlehnak thazaang zong a cuai an thlaipiak ngam ti lo.A ni an tukmi hlan ah Russia nih ramdang sin a leiba a cham khawh lo a si ah cun, leibacham a tlolhmi/a hrialmi ram ah chiah a si cang lai. Pek duh lo ruangah a si lo, boruak a that lo ruangah leiba a cham khawh hna lo a si ah cun, cucu technical (phungning tein) chamkhawhlo ah pompiak a si hnga.

May 27 ah a chamdingmi leiba pahnih belte cu ni 30 veelngeihnak caan an sauhpiak. A cung i phihkharnak an tuah ruangah, Russia nih ramdang sinin phaisa a cawi khawhnak lam a ngei ti lo. Leibacham a tlolhmi ram, timi a sullam cu, a batmi hna tlingtein a cham thlu cikcek khawh hlan lo le, leiba cham a tlolh ruang i taza an cuaimi a thiam hlan lo, ramdang sinah phaisa cawinak nawl an pek rih lai lo, tinak a si.Argentina le bangah cun, a leibacham lo mi hi a navy tilawng, an president citmi vanlawng kongkau he ai pehtlaimi thil an si, tiah theih a si. Cun, leibacham a duhlo mi ram, tiin nemhnehmi ram he cun chawhlehnak kan tuah lai lo, tiin pumpaak in phung le phai ai suaimi company asiloah ram an tam caah, tutan i US nih Russia hi leibacham duhlo/tlolhmi ram ah a chiah ruangah amah he chawleh a duh ti lo mi ram tampi an um kho te mi a si, tiah theih a si.

 

 

 

Crd:Chelsea Bawi

Author: admin

Leave a Reply

Your email address will not be published. Required fields are marked *