Kumkhat chungah Mipi Ralkap Kut in Ralhrang Minung 14,890 An Thi i, Minung 4814 Hliamhma An Tuar Tiah NUG nih A Thanh
A luancia kum 2021. June 1 in, kum 2022, May. 17 tiangah ralhrang a thimi hi minung 14,890 an si ii minung 4814 hi hliamtuar mi an si tiah NUG nih May. 23 ah thawngthanh nak a tuah. Raldoh ah mipi ralkap kut in a thimi zat mincazin an lakmi a si ii hi nak hmanh in a tam kho rih tiah NUG Vuanci nih a chim.
Ram chung dihlak in mipi ralkap phu 257 dirh a si ii, peng fonh in phu 250 dirh a si cang tiah a chim chap. A tulio ah hin Sagaing, Magway, Chin, Kayah le Karen state hna ah ralhrang le mipi ralkap kaphnih kahdoh nak a fak tiah theih a si.
Crd:TCP
