US Ih Sin A Ra Mi Shinbia Leh Benjamin Sum Cu Michelle Varte Nih Rak Thik An Ti Maw Si 

US ram ih sin Mizoram Aizawl ih a ra tlawng mi fala hmeltha leh pianmawi Shinbia leh hlasak thiam Benjamin Sum cu mizoram kan unau pawl in an uar dan cu  a makin  khuaruahhar nak a si. Mizoram kan unau pawl ih an mi uar vel cang cu  uar tak an si.

Mizoram hlasak thiam Michelle Varte interview an tuahnak ah arak sim mi thu kha Benjamin Sum leh Shinbia tiin an hmin a sim lo nan tun lai milar an si ruangah an hmin sim thawn a danglamnak a um cuang lo.

Mizoram kan unau pawl leh Mizoram ih khuasa ih um Falam pawlin Shinbia leh Benjamin Sum an hei uar tuk mi cu an over deuh lo maw ti hi awl te a si,  a tang video hi rak zoh hman uh Shinbia leh Benjamin Sum hman an lang lo.

Hi bantuk minung  kan laipa/ kan Lainu an rak um hi cu  Pathian thlasuah rori asi. hmel le tha, hlasak le thiam, tawng le thiam tam emem fawn. An pahnih te hin Mizo mipi hnen ah Lai mi kan hmin thatnak leh laimi sunglawi tertu an si.

Shinbia leh Benjamin Sum nih Thlapi tihmi Falam hla Chin Tv night ah an pahnih in duh tawkin an vun sak ah hin cun lung a kim ruangro rori si ko. Hi bantuk minung hi cu kan laipa/ kan Lainu ahcun an um lo men thei,  An hlasak mi hi rak zoh hman uh sim tul lo in ziang vek mi nung an si ti mi le ziang tlukin uar an um timi cu na thei ko ding.

Mizoram Aizawl khuapi ih Chin TV Night an tuahmi Chin TV international page nih Live in an thlahmi ka rak zoh ve. A sunglawi taktak. Khat lam ah cun  kan ram that lo ruangah Mizoram kan unau pawl thawn pehtlaihnak tha neih kan duh ruangah a si.

An thil tuah hi a tha tuk mi si Laimi le Mizo hi unau thisen zawm sulkhat suak kan sinak khal a lang ter sin sin ding khal ka zum, Chin TV hnatuantu pawl leh CBANA par ah lungawi um nasa a ih,  ATawlreltu nan za ten par ah upatnak kan pek a si.

 

 

 

Author: admin

Leave a Reply

Your email address will not be published.