23 May 2022 zanlam 2:00 Pm hrawngah khan Falam township ih Tiau. Rih No.1 ah uico ralkap pawl leh Mipi ralkap an kap aw ih thi leh hliam zat cu an puang hrih lo.
CDF- Mindat Le SAC Ralhrang Karlak Kahawknak Ah Ralhrang Pahnih Thi, Ralhrang In Thuruahnak Neilo In Hriamhreipi Thawn Kah Ruangah Mipi Lam Hliamhma Tuartu Um.
22nd May, 2022, zaan suimilam 10:00 hrawngah Mindat khua hmunhma pakhat ihum SAC ralhrangbu cu CDF- Mindat in an kap ruangah ralhrang pahnih athi tiah thuthang kan ngah.
Tuihzing May ni 23, zinglam 8:15 ah Mindat khuasung ih SAC ralhrangbu cun District no.4 lam cu thuruahnak nei lo in hriamhrei pi thawn an kap ruangah kum (11) nauhakte ih ke khatlam a siatsuah ih hliamhma ngahtu upa pakhat le mipi inn pahnih a siatsuah tiah theih asi.
Ethnic Mipi pawl kap ding in SAC ralhrang pawl a rak phur tu le hriamhrei hrang a tul mi a puak thei thilri pawl phur tu ralkap vanzam ATR a mawng tu ralhrang ralbawi (10) ih an hmin le umnak pawl Operation Spitfire in a phorh suak..
