Sagaing Ram Then Ah Rallam A Sial Cuah Mah Mi Ralhrang Cei Lak PDF Nih An Thah Hna

Sagaing ramtthen, HtiChaih peng ah rallam a sial mi SAC ralkap hna an kir lei ah nihin May 22 zinglei ah PDF nih an kah hna i SAC ralkap 20 nak tam an thi tiah Eagle Army – HPDF nih cathanh a chuah.

May 22 zinglei Sml 8:30 ah Eagles Army, Tagung PDF, MGZ PDF, Fox Army, KA PDF hna i bawm in InnDaung ( အင်‌ေဒါင်း)khua in rallam a sialmi SAC ralkp hna cu an bawh hna i an kah hna SAC ralkap 20 an thi i 8 hliam an tuar, SAC ralkap nih a thimi le a hliammi an tam caah an hmuh mi mipi inn hna cu an duah, lei thuannak seh hna le saikal hna zong an duah i an hrawh hna tiah Eagles Army nih cathanh an chuah.

May 21 zanlei Sml 1:30 ah thazaang tampi in rallam a sialmi SAC ralkap le KNDF – B03/ B-11 / KA le PheKone PDF battalion 2 karlam PheKhone khua nichuaklei SiMiLaw khua luhnak ah kahdohnak a chuak. Kaphnih kahdohnak cu Meter 30, 40 lawng a hlat in an i kap i SAC ralkap 4 an nunnak a liam, kahdohnak cu zanlei Sml 4:30 hrawngah kan mak tiah KNDF – B – 03 nih cathanh a chuah.

 

 

Crd:TCP

Author: admin

Leave a Reply

Your email address will not be published. Required fields are marked *