Pakuko Lei A Kal Mi Ralkap Motor 70 Leng Cu PDF Nih An Phomh Hna I Ceilak An Thi

Magway ramṭhen, Khaukhtu(ကျောက်ထု) in Pakuko lei kal ding SAC ralkap motor 70 leng cu, kalnak lam va zohpiak dingah a kal chungmi SAC ralkap pawl cu nihin May 22 zinglei ah kan kah hna caah SAC ralkap 9 an thi, 1 hliamhma a pu, tiah Kyaukhtu- PDF nih cathanh an chuah.

Nihin May 22 zinglei ah SAC ralkap 230 hrawng cu, Pakukko lei kal ding in an i tim tuah, Kalnak ding lam a him le him lo va zoh ding in a kal chungmi SAC ralkap 10 cu, Kyaukthu-Pungngia(ပုံညာ) lam ah bomb lung 6 in Kyaukthu-PDF(YRPA) le The Youth Force (Saw&kyaukhtu) nih an puahhnawh hna, tiah theih a si.

 

May 22 chun ah hmun thum in rallam a sialmi SAC ralkap 220 hrawng cu, ṭangṭi phu hna nih hriamngan he hriamhme he kan kah hna caah a thimi le aa hliammi an tam kho, tiah an langhter. PDF lei in ralkap 2 cu hriamngan kuan nih a hliamh hna nain an nunnak caah thinphan awk a um lo, tiah an langhter.SAC ralkap nih May 22 zan tiang hriamngan in an kah tuk caah mizapi ralring tein an um naklai zong Kyaukhtu -PDF nih ralrin an pek hna.

 

 

Crd:TCP

Author: admin

Leave a Reply

Your email address will not be published.