Kalay Ralzam Um Nak Hmun Cu Rralhrang Nih Hriam Ngan In An Kah I An Khanh Piak Hna Leng Ah Mipi Hliam Ham Pu Mi Zong An Um

Kalaymyo Myit tharmyit(မြစ်သာမြစ်) nichuah lei kam ah ummi Uyin(ဥယျာဉ်) khua cu, SAC ralkap nih nihin May 22 ah hriamngan in voi 50 leng an kah. Caan karlak ralzam an i dornak thlam 80 leng zong a kaang, tiah tualchung mi hna sin in theih a si.

 

Uyin khuami pakhat nih” Kyikung Khyaukkhoh(ကျီကုန်း ကျောက်ခုတ်) in a kalmi uico ralkap pawl cu, Innkyaw(အင်းကျော်) khua ah zan hnih an riak. Nihin May 22 ah Uyin khua lei ah rallam an rak sial. Cu rallam a sialmi ralkap pawl cu ralzam umnak lei ah an rat caah khuami hna cu kan zam dih. A phunphun thlaici kan ngeihmi hna le thil hruk ding angki le tawhrolh cu chim lo kan umnak thlam zong an khangh dih. Kanpale(ကံပုလဲ) khua in hriamngan in an kahmi kuan cu ruah sur in a sur ko,” tiah a chim.

SAC ralkap nih hriamngan in an kahmi kuan nih tualchung mi 3 a khen hna caah hliamhma an pu, tiah theih a si.

 

 

Crd:TCP

Author: admin

Leave a Reply

Your email address will not be published. Required fields are marked *