Tulio Minung Nih Kan Buai Pi Bik Mi Thli Tam Pi Hna Lak Ah Nang Zeithla Nai Buai Pi Bik

Kei cu Jesuh hi ka buai pi lo i amah Jesuh tu nih hin a ka buai pi deuh ee ti kha fian tein kaa hngalh;-
🙏 Minung nih cun kan i thawh i buai pi tlak Jesuh, thih pi tlak Jesuh tiin kan chim lawng hmanh kha si loin hla tiangin kan phuah i kan sak tawn. Asinain keinih ka hmuh ve ningah cun zumhnak thawngin Pathian biatak hna hngalh ve ko cang ahcun Jesuh cu buai pi ding a rak si hrimhrim loh timi biatak hi a si. Cu bantukin Kei cu Jesuh hi ka buai pi lo i amah Jesuh tu nih hin a ka buai pi deuh ee ti kha fian tein kaa hngalh.


Zeicaahdah Jesuh cu ka buai pi lo tiah cun;-1. Jesuh cu Pathian Fapa a si ti kha fian tein kan hngalh i ka phuan. ( Lamkaltu 9 : 2 ), ( 1Johan 4 : 15 )..2. Jesuh cu a ka khamhtu Messaiah ( Khrih ) a si ti kha fian tein ka hngalh. ( 1Johan 5 : 1 )..3. Jesuh cu ka Bawipa a si ti kha fian tein ka hngalh. ( Filipi 2 : 11 )..4. Jesuh cu ka Siangpahrang a si ti kha fian tein ka hngalh. ( Biathlam 1 : 5 )..5. Jesuh cu Pa Jahovah kan Pathian sinah khan a ka nawlpiaktu a si ti kha fian tein ka hngalh. ( Rom 8 : 34 )..6. Jesuh cu Pa, Jahovah kan Pathian sinah khan a ka tanpitu a si ti kha fian tein ka hngalh. ( 1Johan 2 : 6 )..7. Jesuh cu Immanuel ( Emmanuel ) Pathian a si ti kha fian tein ka hngalh. ( Isaiah 7 : 14 ), ( Mathai 1 : 23 )..🙏 Cucaah cun kei cu Jesuh hi ka buai pi bak loh i amah Jesuh tu nih khan a rak ka buai pi deuhnak a ruangcu;-
1. Amah ka zumh ko bu ah le amah Jesuh bak nih a ka khamh cangmi ka si ti ka hngalh ko nain sualnak te hna ka tuah than ve rih tawn caanah hin Jesuh nih hin zeitindah Johnly Fambawl hi ka Pa sinah ka nawlpiak lai ti le ka tanpi lai tiah hin a buai ve tawn ko lai mu tiah ka ruat tawn..
2. Hi vawlei cung Satan pennak le sualnak lawngte a khat rihmi ah hin Johnly Fambawl hi Satan nih a tukforh khawh lonak ding caah le aa khawngdeng sual nakhnga lo ding caah le a zaw sual nakhnga lo ding caah tiin Jesuh nih zeitindah Johnly Fambawl hi ka kilven ah a that lai tihi a buai ve thawn ko lai mu tiah ka ruat tawn..3. Mi thluakchia taktak le cathiam lo taktak ka si pinah hin Thlarau lei zongah michanbau taktak ka si bantukin Jesuh nih zeitindah Johnly Fambawl hi Thlarau leiah thazaang thar ka pek khawh lai ti te hna le nitin Bible Cathiang bia a study nakah hin hngalhfiannak hna hi zeitindah ka pekah a that lai tihi a rak buai ve tawn ko lai mu tiah ka ruat tawn..

A dang tampi a um ko nain a sau lai caah hi vial hin si rih sehlaw Khrih ah dawtmi u le nau hna ka chim duhmi cu zumhnak thawngin Pathian biatak hna hngal ve cang ko ah hin cun Jesuh hi buai pi ding a si hrimhrim lo ee. Zeitluk hmah in va buai pi ko hmanh u sihlaw Jesuh nih a rak timi cu, “Bawipa, Bawipa, a ka timi paoh vancung pennak ah an lut lai lo; vancung ka Pa duhnak a tuahmi hna tu kha an lut lai. Cu ni cu a phak tikah mi tampi nih, ‘Bawipa, Bawipa, na min in na bia kan chim i na min in khuachia kan tthawl hna i na min in khuaruahhar thil kan tuah lo maw?’ an ka ti lai. Cu tikah cun, ‘Nannih mitha lo hna, kan hngal bal hna lo, kal ko u,’ ka ti te hna lai,” tiah a rak ti. ( Mathai 7 : 21 – 23 )..

Cucaah cun dawtmi u le nau hna kei cu Jesuh hi ka buai pi lo i amah Jesuh tu nih hin a ka buai pi deuh ee ti kha fian tein kaa hngalh caah khan cu hngalhnak a ka petu Fimchimtu le biatak phuangtu a simi Thiang Thlarau chungah hin kaa lawm kho tuk ee. Zeicatiah cun Jesuh nih, “Pa sinin ka run thlah laimi Fimchimtu, Pa sinin a rami, biatak Thlarau a rat tikah cun ka sining kha a langhter lai,” tiah a rak ti ( Johan 15 : 26 ) bantukin Jesuh hi nitin tein ka caah a buai zungzal ko ti kha ka hngalhnak taktak cu a si. Nangmah zong Jesuh kongah hin rak buai tuk duh hlah law Pathian biatak hngalhnak ding catu ah hin rak buai deuh cang tiah ka zumhmi Pathian Fapa Jesuh Khrih ka Bawipa min tein kan nawl hna. Nan dihlak cungah Thiang Thlarau um zungzal ko seh..Thank You For All;Johnly Fambawl

Author: admin

Leave a Reply

Your email address will not be published. Required fields are marked *