Chin Ram Kulh Kanpalet Peng Cinduai Khua Cu Ralhrang Rian Tuan Nak Hmun Ah Ser An Tim Caah CDF Nih Tang Lei Ban Tuk In Cawl Cang An I Tim Cang

Chin ramkulh, Kanpetlet peng ah um mi Chinduai khua ah SAC ralkap kuttang rianṭuan ding kong an tawlrel cuahmah tiah kan theih caah, Cinduai khua lei kal ding Mortor le cycle poh cu May 15 ni thok in caan rikhiah um loin kan kham lai, tiah CDF–Kanpetlet nih cathanh an chuah.

An cathanh chung ah Cinduai khua um mi tam deuh hi CDM tuah loin SAC ralkap kuttang rianṭuan an tam tuk, tiah an langhter. Kanpetlet khua mi pakhat nih, “Cinduai khua hi thlakhat ah voi hnih lawng khua chung luhnak nawl an pek hna. Facang, chiti le cite tibantuk lawng luhnak nawl an pek hna, minung va luhchuah tibantuk an onh lo. Phone line zong a ngah lo. Hiti luhchuah an phihnak hi thlahnih hrawng a si cang,” tiah a chim.

Chin ramkulh ah Tender rian zeihmanh nan tlai lai lo i, nan ṭuan lai lo, tiah CJDC nih voihnih tiang ralrin peknak cathanh an chuah cang. Kanpetlet peng chung ah zei bantuk Company rian hmanh nan ṭuan lai lo, tiah nihin May 15 ah CDF–Kanpetlet nih cathanh an chuah ve. Cucaah Cinduai khua lei kal ding Mortor le Cycle poh cu May 15 thawk in caan rikhiah um loin kan kham. Kan cathanh nan ngaih lo i, nan zulh lo ahcun CDF–Kanpetlet nih ṭuanvo kan in lak hna lai, tiah an langhter.

 

 

Crd:TCP

Author: admin

Leave a Reply

Your email address will not be published.