CNDF Nih Chinralkap An Thih Nak Kong He Peh Tlai In Fian Ter Nak Ca Thanh An Chuah

Chin ramkulh, Falam peng le Sagaing ramtthen, Kalay peng chungah March thla le May thla chung ah Chin ralkap 5 an nunnak liam tiah May 12 ah CNDF nih cathanh a chuah.March 26 ah Salai Ro Thang Zam (Kum 44 )le Salai Lal Pek Thar ( Kum 22) hna cu Falam peng ralram hmun pakhat ah tlaih an tong i April 18 ah an ruak in hmuh an si .
April 11 ah Salai Abednego ( Kum 19 ) le April 13 ah Salai Kap Za Thuan ( Kum 29 ) hna cu Kalay peng ralram hmunkhat ah an nun nak a liam .May 7 ah Falam peng ralram hmun pakhat ah bomb chuahsual ruangah mizapi vengtu ralkap pakhat a nunnak liam tiah an langhter.


Dohthlennak caah nunnak pe mi hna cu CNO / CNDF nih upat nak kan pek hna i tantak mi chungkhar nan ngeihchiat nak kn nin hrawmpi hna tiah an tial.Nunnak pek in ram a kilveng mi pasal tha hna thisen cu kan philh lai lo i SAC ralkap uknak cu a ci in kan hmiih khawh tiang kan doh lai tiah a nunnak a liam mi pasal tha hna min chal in cathanh ah an langhter.

Kahdohnak ah a nunnak a liammi an um bantuk in tlaih hnu in an thah beh hna mi hna cu ralkap phungning an zulh lo a si tiah ” CNDF chimnak nawl ngei tu Salai Cung Ngai nih a chim.Chin ramkulh chungah SAC ralkap he kumkhat leng ah kahdohnak voi 61 a chuak i SAC ralkap 400 leng kan thah khawh hna i CNDF lei in minung 19 cu ram le miphun caah an nunnak an pek tiah cathanh ah an langhter.

 

 

Crd:TCP

 

 

 

 

 

 

Author: admin

Leave a Reply

Your email address will not be published.