CDM Tuah Tu Ralkap Pawl An Dir Hmun Cu Tang Lei Ban Tuk In Lang Ter A Si

Council ralhraang hmaisuang camp in Officer pakhat le a dang rank ngei pakhat cu hriamnam tampi he CDM an tuah i Pyituh Pantaing phu nih sing 30 laksawng an pek hna lai i Runvennak lei Minister Zung zong nih laksawng an pek than hna lai tiah Pyituh Pantaing phu nih thawng an thanh.Ralhraang hmaisuang Camp in Officer pakhat le a dang rank ngei pakhat nih CDM tuah kan duh tiah Pyituh Pantaing sin ah pehtlaihnak an rak tuah hna.

Pyituh Pantaing hnu in NUG Runvennak lei Minister Zung le KPICT phu hna nih bawmhchinnak thawng in tlamtling tein an rak chuak kho. Hriamnam zong tampi an i chuahpi ca ah Pyituh Pantaing phu nih sing 30 laksawng an pek hna lai i Runvennak Minister Zung lei zong nih laksawng an pek rih hna lai. Ralhraang hmaisuang camp in hriamnam he CDM tuah a duh mi poh nih Pyituh Pantaing sin ah pehtlaihnak tuah khawh kan si ti zong phungning in thanhnak an tuah. Source: Khit Thit Media

Council ralhraang hriamnam sernak Kah-Pah-Sah 23 (ကပစ ၂၃) in Sergeant Than Naing Soe cu hriamnam tling he Yaw Defense Force (YDF) sin ah CDM a tuah tiah YDF nih thawng an thanh.May 12 ah Sergeant Than Naing Soe cu MA 1 meithal zun khat, zenthong bawm 4 le zenthong 228 he, ralhraang tuahsernak tha lo ah ka tel duh ti lo ti in CDM a tuah. Sergeant Tan Naing Soe cu a herh mi bawmnak an pek i himnak hmun a phanh khawh naklai YDF nih an tawlrelpiak lio a si tiah kan theih.

 

 

Crd:THKP

Author: admin

Leave a Reply

Your email address will not be published.