Hakha Khuchung Ah Ralkap Pawl An Zia A Chuak Hoi Cang

SAC Ralkap Nih Pu Siang Mang Inn An Rak Hrenhmi An Hunpiak Ṭhan CangChin ramkulh, Hakha khua ummi CNLD party in MP a rak i zuammi Pu Siang Mang a inn cu January 12 lioah SAC ralkap nih an rak chuh. Nizan May 10 ah Pu Siang Mang a fapa sinah an pek ṭhan tiah theih a si.Pu Siang Mang cu 2020 CNLD party in MP a rak i zuam i, NLD party in Pu Sui Ṭhio a rak tei.

Chin ramkulh, Hakha- Falam lampi cung ah raltuknan tank mawtaw 2 le SAC ralkap mawtaw tampi cu Chin ralkap nih ah kah hna i SAC ralkap 26 an thi i Chin ralkap 9 nih ram le miphun caah an nunnak an pek tiah Chin National Organization (CNO) nih cathanh a chuah.

May 2 ah Hakha in Falam lei ah a kal mi SAC ralkap thazaang 150 leng an i cit mi mawtaw run cu May 4-5 ah Hakha- Falam mengtung 20 , mengtung 26 hna ah Chin ralkap phu hna nih an kah hna pin ah bomb an puahhnawh hna tiah an langhter.

Cu kahdohnak ah SAC ralkap 18 an thi i Chin ralkap 8 an nunnak liam tiah , May 6 ah mengtung 26 lawnh deuh ah CNO / CNDF nih bomb an puah hnawh hna i SAC ralkap 8 an thi i hliam tuarmi zong an um tiah theih a si. May 7 ah bomb an thianh nak ah CNDF ralkap pakhat bomb chuahsual ruangah a nunnak a liam tiah theih a si.

 

 

Crd:TCP

Author: admin

Leave a Reply

Your email address will not be published.