SAC RalhrangNih Uk Nak Hramhram An Lak Hnu Ah NLD Lu Tlai Pawl 900 Leng An Tuah To Hna Dan Tang Lei Ban Tuk In An Lang Ter Cang

SAC ralkap nih nawlngeihnak a laak hnu in NLD Party chairman Daw Aung San Su Gyi telh in party chungtel 917 tlaih an tong. Cu chung in party chungtel 209 hna cu an umnak inn le an ngeihchiah laakpiak an si, tiah NLD party Central Working Committee nih nihin May 10 ah a thanh.

Tlaihkhih a tong mi NLD party chungtel minung 917 chung in 216 cu luatter an si cang nain, Daw Aung San Suu Gyi, U Win Myint, Dr.Zaw Myint Maung telh in 701 cu hren an si rih. Tlaihkhih an ton chung ah, hrem an ton ruangah le an ngandamnak lei ṭhaṭhi in zohkhenh an si lo ruangah party chungtel in nunnak liam mi 18 an um, tiah an langhter chih.

NLD party headquarters telh in ramṭhen le ramkulh um NLD zung 104 an hrawh, tiah NLD party Central Working Committee nih cun an langhter. SAC ralkap kut in Myanmar ramchung huap in nunnak a liam mi hi minung 2269 an si cang, cu chung in minung 38 cu NLD party chungtel an si, tiah an langhter chih.

 

Crd:TCP

Author: admin

Leave a Reply

Your email address will not be published.