Mindat CDF Nih Thawng Pang Tha Tuk A Kan Thah Than Thawng Pang Thei Cu Lung Hmui Lawlaw

Chin ramkulh, Mindat-Matupi kar mengtung 25 ah SAC ralkap mawṭaw run pawl cu CDF-Mindat nih, May 9 zinglei sml 11:00 hrawng ah an kah hna i, SAC ralkap 11 hrawng an thi. CDF-Mindat nih an phummi bomb pawng ah SAC ralkap 50 hrawng an phanh bak in kan puah ṭhan hna i tam ngai an thi, tiah CDF-Mindat nih cathanh an chuah.

“Mengtung 25 in kan bawh hna i naih tein kan i kap, RPG in kan kah hna i 10 hrawng an thi lai. Kan hmanhmi bomb pawng ah SAC ralkap 20 an phan i, an dihlak tein an thi ko lai tiah ralhmai kalmi pawl nih an zumh. Cu hnu ah meng 24 hlatnak kan phummi bomb pawng ah ralkap 30 an phan ṭhan i kan puahhnawh ṭhan hna, a thimi le aa hliammi an tam lai,” tiah CDF-Mindat chim phuannak nawl ngeitu pakhat nih a chim.

Hihi lam kam in bomb tamtuk kan chiahmi hna pawng an phanh bak ah kan puahhnawh hna hi a si, tiah a chimchap.Hmunhnih ah Bomb kan phum hna i cu kiangkap ah a rami SAC ralkap pawl hi 50 hrawng an si lai. Kan vun puahhnawh hna cu a thawng hrimhrim a thang tuk, ṭha tein kan zoh kho ti hna lo. Cu ruang a thimi le aa hliammi an tam lai tiah cathanh kan chuahnak a si. Keimah ka zumh ning ah SAC ralkap 30 hrawng an thi lai ka zumh,” tiah a chim.

May 7 le 8 lio zong ah SAC ralkap mawṭaw run cu CDF-Mindat nih an rak kah hn i 7 nak tlawm lo an rak thi.Hi mawṭaw run pawl hi April 27 lioah Matupi in aa thawhmi an si. Mawṭaw 70 leng ah ral i khamhnak mawṭaw(Armor) 2 zong aa tel tiah theih a si.

 

Crd:TCP

Author: admin

Leave a Reply

Your email address will not be published.