Ziang ruangah Hla sak lai ih pangpar an pek aw

Hla sak ngaina mi hrangah cun, live concert rori cu MTV aiin hmuhnawm kan ti thluh ko ding, Television leh internet feh tlangin kan rak zoh thei tawkah kan ni laimi pawl hi vek em em in hla sak laiah pangpar peaw ka hmu dah lo, a si nan an pek awknak san bik ih lang mi cu (1) chawimawi /sunlawinak (2) An duh/uarzia lanternak (3) Sum/paisa hawlnak a si bik.

Tu hlanah khan YZTP concert an neih lai ah pangpar an pe aw ciamco ka hmu ih ziang ruangah si pei aw tiin ka ruat theu ih mi ka sut theu, mi pakhatin in sim mi cu pawisa hawlnak a si tiin in sim, pangpar zuartu an um ih a leituin hlasak tute an va pek ih cu mi an pek mi cu an laksak sal ih an zuar sal theu a si tiin in sim mi hrekkhat cun rak sawlseltu tla kan um a then cun tha titu khal kan um kan laimi hrangah cun sum hawlnak tha bik a si.

Hla satu ten hla ansak lai ih pangpar dawn rero cu nuam an ti nasa ding, a Sinan hlasatu cun mawi lo tukin hla ka sak pang ding ti hi a phan mi bik cu a si, pangpar dawng rero phah ih hlasak cu sakmawi a har viau ding ka zum (fashion show nak ih pangpar an peaw tla hmuh ding a um phah phah theu hi vek em em hi cu kan laimi pawl kan over tuk lo maw.

Pangpar petute lakah polite tak an um laiah Polite over an rak um theu mi kha si, buaithlak em em cu… hlasakthiam kan tih mi pawl hi cu ziang vek hla khal sa sela  a mood-ih an thinlung an ret hi a pawimawh bik mi cu a si, cu mi lawngah mipi cun ngai nuam an rak ti theu. A mood-ih cheng hman lo khawpih pangpar pekawkih, vun selfie-pi vel kual hi (USA kan laimi in kan uar leh zual a si) concert sunglawi tertu ah kan ruat maw si aw ti hi a awl nasa, nan ngaihdan cu comment lam ah run sim ve hnik uh.

 

Author: admin

Leave a Reply

Your email address will not be published.